POP 5

Lajmet më të lexuara të 5 minutave të fundit

Opinion

Mero Baze: Kandidati për kryebashkiak, ... Sali Berisha!

Çdo ditë në orën 12 thuajse gjithë televizionet japin lajm konferencën për shtyp të Sali Berishës, për të vrapuar disa orë më vonë të japin live dhe daljen e tij të dytë për prezantimin e një kandidati ku më së paku flitet për të.

Mero Baze: Kandidati për kryebashkiak, ... Sali Berisha!

Sali Berisha

Çdo ditë në orën 12 thuajse gjithë televizionet japin lajm konferencën për shtyp të Sali Berishës, për të vrapuar disa orë më vonë të japin live dhe daljen e tij të dytë për prezantimin e një kandidati ku më së paku flitet për të. Në të gjitha daljet personazhi kryesor i fushatës është Sali Berisha dhe kundërshtari i tij kryesor duket që nuk është më Edi Rama, por Erion Veliaj. 

Në ligjërimin e sotëm, ai u mor me çdo detaj të fushatës së Veliaj, hodhi poshtë çdo arritje të tij dhe sulmoi çdo premtim, a thua se është kandidati për kryebashkiak i Tiranës. Madje dhe gjithë kandidatët e PD në gjithë Shqipërinë, aq pak sa janë, i quajti kandidat të Erion Veliaj. 

Po pse Berisha po flet në emër të Belind Këlliçit? 

Të thuash që Belind Këlliçi nuk i thotë dot këto broçkulla që thotë Sali Berisha se i vjen turp, nuk është realiste. Ka thënë dhe gjëra më banale se kaq nga ato që i pëlqejnë Berishës. 

Të thuash që Belind Këlliçi nuk i thotë se ruan proflin e tij “intelektual” dhe nuk do të thtoë banalitete, përsëri nuk është realiste, pasi nuk është se ia po thotë gjëra më të mençura. Por thjesht Berisha nuk po i lë rradhë në këtë pikë. 

Të thuash që Belind Këlliçi ka frik ti thotë ato broçkulla se humbet elektorat, është po prap e pabesueshme, se fuqia e zërit të Berishës në elektorat, konkretisht dëmi që mund të bëj me këtë rast është më i madh se dëmi që mund të bëhet kur i thotë Berisha. 

I vetmi shpjegim është se Sali Berisha po sillet si kandidat për kryebashkiak, pikërisht që të identifikohet me fushatën dhe të mat votën pro ose kundër tij. Dhe e bën këtë jo vetëm si protagonist kryesor i fushatës politike, por dhe duke imponuar hallet e tij për kandidatët.  

Tani Belind Këlliçi duhet të mbaj dhe kusuret e betejës së Berishës me SHBA, duke dëgjuar çdo ditë votuesit e tij nga 2 orë sulme kundër ambasadores së SHBA në Tiranë, e cila pas Erion Veliaj, është shënjestra më e rëndësishme e Berishës. 

Atij nuk i intereson më fushata e Këlliçit apo kujtdo tjetër. Shpresoj që së paku Shkëlzeni tu paguaj lekët e fushatës, pasi praktikisht ata nuk kanë më zë në një fushatë, ku Berisha del dy herë ditën nga 1 orë live në TV dhe ata postojnë në Facebook video të trukuara sikur gjoja bëjnë fushatë.  

Problemi i vetëm që ka ky protagonizëm i Berishës është se me këtë ritëm që e ka marrë  “kandidimin” e tij për kryebashkiak në Tiranë, pas humbjes më 14 Maj, i bie që më 2025, në vend të konkurroj për kryeministër, do të konkurroj për drejtor komunale. Por dhe atë e ka në dorë Veliaj se është me emërim. 

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Syrja: 11/04/2023 00:52

    Opo ti rrofsh qe ben propogande per Saline. Se Edvini ska nevoje me gjytyrymet e tij.

    Përgjigju
  • Haha: 10/04/2023 23:43

    Berisha te konkurij per drejtor pastrimi te haleve. Na eshte no muti mullar.

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Dritan HIla: Doktori që nuk harron vesin

Dritan HIla: Doktori që nuk harron vesin

5 Nëntor, 19:14 nga Dritan Hila