Kryetarja e Kuvendit të Shqipërisë Lindita Nikolla, e cila natyrisht nuk përfaqëson vetëm mendimin e saj, po legjitimon si të rregullt mungesën e Sali Berishës për gjashtë muaj në Kuvend, si mungesë me arsye. Ajo citohet të ketë thënë se: “Dua t'i japim fund spekulimeve. Qenia e një personi nen këtë mase nuk mund te konsiderohet si mungese pa arsye ne Kuvend. Jemi konsultuar me njohës te ligjit dhe Kushtetutës".
Më shumë se debat kushtetues ky është debat politik dhe tolerancë politike. Dhe për këtë socialistët mund të kenë arsyet e veta cinike për ta përdorur Berishën si koleteral politik përballë tyre, por kjo nuk është as kushtetuese as politike dhe as logjike.
Së pari “mungesa me arsye”, siç duan t'ia quajnë Berishës mungesën gjashtëmujore nënkupton pengesë brenda ligjshmërisë se veprimeve të individit, pra nënkupton spital, nënkupton sëmundje, nënkupton pandemi, ka ngec diku jashtë shtetit... etj. Këto janë mungesa me arsye. Mungesë me arsye se “është pak në burg”, vetëm socialistët shqiptarë mund të shpikin për kundërshtarin e tyre të cilin e duan të vdekur po të pavarrosur. Ai që është në burg nuk ka mungesë me arsye, por ka arsye të nxirret nga Kuvendi.
Së dyti, mandati i Sali Berishës duhej hequr dhe pa mbushur gjashtë muaj, pasi bie ndesh me ligjin e dekriminalizimit, pasi ai është refuzuar të hyjë në dy nga shtete më të mëdha të perëndimit SHBA dhe Britani e Madhe.
Në nenin 2 të këtij ligji që përshkruhet ndalimi për të kandiduar në pikën 2 paragrafi b, thuhet qartë se aplikohet ndalimi i funksioneve të një politikani kur “janë dëbuar nga territori i një shteti anëtar të BE, SHBA, Australisë, Kandasë në lidhje me rastet e parashikuara nga pika 1, shkronja a, b, dhe c të këtij neni.
Ju kujtojmë se Sali Berisha është i vetmi person “non grata”, madje në dy shtete të mëdha perëndimore që gëzon mandatin e deputetit . Të tjerët janë ose në burg ose jashtë politikës.
Së treti, Kuvendi i ka hequr mandatin Arben Ahmetaj, i cili po ashtu ishte nën hetim nga SPAKU dhe në kërkim nga drejtësia. Nëse Ahmetaj nuk do ishte arratisur, por do të qëndronte këtu do të ishte në burg si Berisha.
Por për drejtësinë tonë, formalisht ai është një i burgosur i arratisur. Me këtë logjikë i bie që ai ka munguar me arsye se është në burg. Edhe Berisha është aktualisht në burg. Njërit i është hequr mandati tjetrit nuk po i hiqet.
Fakti që Berisha i paska kërkuar gjykatave ta lejojnë të shkojë në Kuvend dhe nuk e kanë lejuar, nuk është arsye për tu quajtur “mungesë me arsye”.
Është një arsye më shumë që ai nuk duhet të jetë në Kuvend, pasi shkelja e ligjit që ai ka bërë, është më e rënd se nevoja që ai ka të jetë deputet.
Kështu i bie që socialistët të rishkruajnë ligjin dhe të vendosin standard tjetër nga ai i drejtësisë vetëm për Berishën
E gjithë kjo është e shëmtuar dhe natyrisht që është një llogari politike që mban në lojë një kufomë pasi e kanë më të lehtë për të telendisur opozitën. Nuk është as ligjore, as kushtetuese as morale. Është vetëm politike. Dhe e shëmtuar.
Komente
Lajme të tjera
-
Berisha kërkon vota nga shqiptarët në Angli, vendin që e shpalli ‘Non Grata’: Keni rol në fitoren e opozitës, Ramën në Londër priteni me vezë dhe domate
17 Nëntor, 20:04 -
Dy ditë seancë maratonë, Kuvendi do miratojë Buxhetin! PD ka paralajmëruar protestë të martën në orën 17:00
17 Nëntor, 17:31
-
Berisha sulmon luftën partizane: 17 Nëntori shënon zëvendësimin e një pushtimi të huaj, me një pushtim barbar që zgjati 46 vite! Masakra e terrorit të kuq
17 Nëntor, 16:41 -
Mero Baze: Përse Berisha është i tërbuar me opozitarët e rinj
17 Nëntor, 07:07
-
Ylli Pata: Rikthimi dhe riciklimi! Dy fenomenet e kundërta që Berisha i ka provuar para Trump
16 Nëntor, 20:22
-
'Forcat e reja i bëjnë fresk Ramës', Endri Shabani replikon me Berishën: Je pjesë e tavës, ke marrë leje ndërtimi nga Rama
16 Nëntor, 17:39 -
Frrok Çupi: Këta të bëjnë me zor ta duash Enver Hoxhën
16 Nëntor, 16:48
-
Eduard Zaloshnja: Tavani elektoral i Berishës, i PD-së, dhe i partive të reja deri më sot
16 Nëntor, 12:33
-
Evi Kokalari-demokratëve: Kë menduat ju se do tërhiqnit zvarrë, o budallenj? Do plasin skandale që si keni imagjinuar ndonjëherë po u hap dosja amerikane e Berishës
15 Nëntor, 21:58 -
Avokati Beqiri në Report Tv: SPAK do nisë Hetimet edhe për Argitën dhe Shkëlzen Berishën! 23 dosje për Metën ‘flenë’ në qeveri
15 Nëntor, 19:53 -
Jakin Marena: Berisha e PD po sillen si ‘zyrtarë’ të Trump, dikush t’i ‘zgjojë’!
15 Nëntor, 18:34
-
Tri çështje që PD nuk i ka zgjidhur ende, 6 muaj përpara zgjedhjeve
15 Nëntor, 17:19
O Mero Baze ti ke plotësisht të drejt po ti e di mir se kta tē pd dhe të ps jan të dy palët komonist e jan shok të grupit hajdut. Sali Bajga prej kohësh duhet të ishte në burg.
Përgjigju