POP 5

Lajmet më të lexuara të 5 minutave të fundit

Opinion

Mero Baze: Benet Beci e ka vrarë 'Enverin' e tij, e djathta po vdes bashkë me të

Ajo që ndodhi sot në Postribë, është një ngjarje kulturore për të djathtën shqiptare, pasi për herë të parë një kryebashkiak I zgjedhur nga e majta ka respektuar moralisht por dhe financiarisht përkujtimin e një prej kryengritjeve antikomuniste në Shqipëri e cila u shtyp në mënyrë të përgjakshme.

Mero Baze: Benet Beci e ka vrarë 'Enverin' e tij, e djathta po vdes bashkë me të

Benet Beci dhe qytetari duke larguar lulet

Ajo që ndodhi sot në Postribë, është një ngjarje kulturore për të djathtën shqiptare, pasi për herë të parë një kryebashkiak i zgjedhur nga e majta ka respektuar moralisht, por dhe financiarisht, përkujtimin e një prej kryengritjeve antikomuniste në Shqipëri, e cila u shtyp në mënyrë të përgjakshme.

Nuk ka shumë rëndësi gjesti i një torollaku që shkon e heq kurorat dhe i hedh në anë të rrugës, pasi i duket sikur Benet Beci i ka vrarë gjyshin. Babai i Benet Becit ishte një akademik i djathtë që ruante gjuhën shqipe. Nuk ka ndonjë lidhje me krimet e komunizmit.

Sali Berisha ka qenë sekretar partie dhe ka internuar një mjeke dhe është përfshirë profesionalisht si mjek në dëmtimin e një të dënuari politik. 

Partia Socialiste e sotme nuk ka asnjë përgjegjësi për trashëgiminë e Partisë së Punës. Ajo është distancuar prej saj me ligje që dënojnë komunizmin, është distancuar duke ngritur institucione që hetojnë, zbulojnë dhe publikojnë krime të komunizmit, ka votuar dhe ka ngritur institucione që rehabilitojnë viktimat e diktaturës, është e vetmja që ka dëmshpërblyer financiarisht dhe vazhdon ende të dëmshpërblejë ish- të përndjekurit politik, dhe ka bërë ndarje ideologjike me të shkuarën komuniste të vendit. 

Aq tutje ka shkuar në këtë drejtim, sa Edi Rama është gati ta paguajë ndonjë që t’i thotë komunist, se hallin më të madh që ka është se të gjithë e akuzojnë si të djathtë me projektet ekonomike që zhvillon dhe qasjen sociale që ka në qeverisje.

Incidenti i porositur nga Sali Berisha është thjesht një akt dëshpërimi i atyre që nuk pranojnë dot se kundërshtari i tyre është një njeri normal. Të njëjtën gjë pat bërë dhe me kurorën e Lulzim Bashës tek vdekja e Bujar Nishanit. Kaq di të bëj Berisha. Të prishi ceremoni varrimi për pushtet.

Por akti i Benet Becit dhe jo i atij torollakut, është ai që bën diferencën me të djathtën shqiptare. 

Mendoni pas ndonjë dekade, kur gjërat të qetësohen dhe Berisha të jetë në botën tjetër, dhe Tirana të ketë ndonjë kryebashkiak të djathtë. 

Përfytyroni një moment sikur ai pastaj të shkojë të vendosë kurora me lule tek vendi ku Berisha ka vrarë katër protestues kundërshtarë të tij më 21 janar 2011. Ai do të jetë momenti kur e djathta shqiptare do të vrasë Enverin e saj. E majta dhe sidomos Benet Beci, e ka vrarë me kohë.

Dhe nëse ndodh, se është normale të ndodhë, mos prisni ndonjë torollak nga e majta të shkojë të heqë lulet duke thënë se paraardhësi i tij i ka vrarë gjyshin apo babanë. Torollakë të tillë gjen vetëm tek Berisha dhe të shpresojmë se do ikin bashkë me të.

 

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Helda: 18/09/2023 12:19

    Dmth me vrasjen e bab Enverit, enturazhi i neokomunismit ramist paska asgjesuar me vdekje edhe te djathten?!? Balo te hengert tenja i thone kesaj pune.

    Përgjigju
  • Fazi: 10/09/2023 09:23

    Mentaliteti i atij "torollakut" është mentaliteti që i kanë injektuar popullit të Shkodrës tash 33 vjet që gjithçka që nuk është me PD është komuniste! Çuditërisht shkodranët si racë e zgjuar, e kanë ngrënë këtë karrem punist që kush nuk është me ne është me armikun. Bënte përjashtim vetëm komonisti Berisha, që paçka se kishte qenë sekretar partie ishte më demokrat se gjyshi i këtij torollakut, që ndoshta është pushkatuar nga inati i ndonjë bashkëfshatari të tij që ka shpifur për hakmarrje....

    Përgjigju
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Qeveria: Draftstatuti i Asociacionit është veç një non-paper

Qeveria: Draftstatuti i Asociacionit është veç një non-paper

2 Nëntor, 09:11