Incidenti me presidenten e Kosovës Vjosa Osmani në Aeroportin e Shkupit, ka kuptim vetëm si një shërbim politik kulisash kundër Vjosa Osmanit, për t’i treguar që i preferuari i Shkupit është Albin Kurti.
Qeveria e re në Shkup, është një shumicë e mbështetur drejtpërdrejtë nga Albin Kurti, duke marrë pjesë në fushatën elektorale në Maqedoninë e Veriut. Albin Kurti u investua, edhe pse e kishte të qartë që është një aleancë antiperëndimore, edhe që po e përçante faktorin shqiptar në Maqedoni për shkak se nuk duronte dot sundimin e gjatë të Ali Ahmetit në pushtet.
Përpjekja e tij për të nxjerrë nga politika liderët e UÇK në Kosovë dhe Maqedoni e motivonte dhe më shumë.
Pra e thënë ndryshe, shumica në pushtet në Maqedoninë e Veriut i është mirënjohëse Albin Kurtit dhe e ka atë aleatin politik më të rëndësishëm në Ballkan.
Fakti që ata prodhuan një incident kaq banal ndaj presidentes së Kosovës, nuk mund të jetë kurrsesi rastësor, pasi protokolli siguron që personalitet kalojnë nga seksioni VIP.
Incidenti ka kuptim vetëm në kontekstin e muajit të fundit kur Osmani dhe Kurti duket se kanë divergjenca të heshtura brenda pushtetit në Kosovë lidhur me qëndrimin ndaj rekomandimeve të Perëndimit.
Fakti që shqiptarët që janë pjesë e qeverisë në Shkup, po përpiqen ta paraqesin si incident banal, tregon sikletin që ata kanë nga raporti i fortë miqësor me Kurtin. Madje ata u identifikuan me Albin Kurtin në fushatë.
Edhe në kohën që Kosova nuk njihej si shtet, Ibrahim Rugova udhëtonte si president nga Shkupi dhe respektohej si president.
Incidenti ka kuptim vetëm për t’i treguar Vjosa Osmanit që nuk të njohim ty në Kosovë, por Albin Kurtin. Ndryshe nuk do t'ia vlente as të komentohej.
Dhe i vetmi që nuk ka reaguar ende është Albin Kurti. Me sa duket ai mesazhet për politikën e brendshme në Kosovë i jep përmes një grekeje të Shqipërisë, kurse mesazhet për aleatët problematikë në pushtet përmes sllavëve të Maqedonisë.
Lajme të tjera
-
Kimete Berisha: E vetmuar, si dhelpra!
21 Nëntor, 21:31
-
Osmani kritika Kurtit: S’mund të luajmë bixhoz me partnerët, cenohet mbrojtja e Kosovës! Askush s’ia ka dalë vetëm
21 Nëntor, 11:35 -
Osmani i kthen dy ligje Kurtit, presidentja kërkon rishqyrtim për Këshillin e Sigurisë dhe mbrojtjen e konsumatorit
20 Nëntor, 09:42 -
Mero Baze: Përse Berisha është i tërbuar me opozitarët e rinj
17 Nëntor, 07:07
-
Osmani: Mund ta zbatojmë njëanshëm marrëveshjen e Brukselit, me garanci nga partnerët
15 Nëntor, 15:47 -
Osmani: Taktikat e Serbisë nuk e ndryshojnë realitetin e pakthyeshëm të Kosovës
15 Nëntor, 10:52 -
Osmani takon Hovenier: Aleanca e Kosovës me SHBA është ekzistenciale
14 Nëntor, 21:05 -
Osmani takohet me ish-komandantin suprem të NATO-s për Evropën: Rol të rëndësishëm për lirinë e Kosovës
14 Nëntor, 15:45 -
Mero Baze: Në pritje të autokritikës së pronarëve të televizioneve për Berishën
13 Nëntor, 21:48
-
Osmani: Kosova shembull pozitiv për avancimin e agjendës për gratë, paqen dhe sigurinë
13 Nëntor, 20:27 -
Osmani takohet me Rutte, diskutojnë për situatën e sigurisë në Kosovë
9 Nëntor, 13:26 -
Mero Baze: Përse Berisha nuk e shpjegon dot me patriotizëm 'non grata'-n e vet dhe të familjes
9 Nëntor, 07:11
