Në një fjalim online për Kryesinë e mbetur të PD, Berisha sqaroi se Edi Rama është në pushtet për faj të opozitës. Dhe këtu renditi si kryesore kacafytjen tre vjeçare për logon dhe vulën.
Pas kësaj, tani që ai e quan PD “të bashkuar”, thotë se nuk ka më alibi për humbje para Edi Ramës.
Në fakt nuk është se po thotë ndonjë gjë që nuk e kanë thënë kundërshtarët e tij.
E vërtetë është se opozita ja ka bërë të lehtë pushtetin Edi Ramës, duke qenë e përçarë dhe e pashpresë, por shkak i përçarjes dhe mungesës së shpresës është Sali Berisha.
Ai është autori i përçarjes së opozitës, pasi vetëm për shkak të tij, pasi u shpall “non grata”, PD u përça dhe shkoi në përleshje ekstreme, vetëm për faj të tij. Nëse ai nuk do kishte përdorur PD si mburojë para SHBA dhe Britanisë së Madhe, PD do ishte jo vetëm e bashkuar, por dhe me plot shpresë për të fituar.
Nga ana tjetër, një PD e bashkuar me Berishën në krye është më keq dhe më e pashpresë se një PD e ndarë në dy pjesë. Pasi një PD e ndarë në dy pjesë së paku ka një pol shprese. Një PD e bashkuar rreth një lideri të pashpresë, është me keq se një PD e përçarë.
Dhe mungesa e shpresës në PD e Berishës është më afatgjatë se Berisha, pasi ai po e bën të qartë që do t’ua lërë partinë fëmijëve të tij, po ashtu “non grata”, dhe po ashtu dëshpërues për elektoratin. Natyrisht aty PD do shkrihet fare, por ai do ta bëjë detyrën e tij deri në fund.
Përpjekja e tij që përgjegjësinë e humbjes së radhës ta bëjë kolektive qysh tani, është një nga tinëzaritë e tij klaiske.
Opozita ka humbur rregullisht para Edi Ramës duke qenë e bashkuar, madje duke qenë dhe në një koalicion të gjerë deri në zgjedhjet e fundit më 2021. Tani që Berisha pretendon se e ka bashkuar PD, janë shpartalluar ndërkohë dhe aleatët, dhe PD.
Duke qenë se bashkimi realisht nuk ka ndodhur, por janë bashkuar vetëm deputetët që duan vend në listë, PD nuk është as e bashkuar, as me shpresë.
E vetmja mënyrë që të bashkohet është shkaku i përçarjes, pra Sali Berisha të mos jetë në krye të saj. Dhe akoma më shumë e vetmja mënyrë që të ngjallet shpresa është që ajo parti të mos ketë punë as me Sali Berishën, dhe as fëmijët e tij. Të dyja këto i ka në dorë Sali Berisha t’i realizojë, por vetëm këto nuk bën. Ajo që po bën është që fatkeqësinë që i vjen PD prej tij, t’ua faturojë të tjerëve.
Dhe thotë pastaj që Edi Rama po rri në pushtet nga dobësia e opozitës.
Jo! Po rri nga Sali Berisha./TemA
Lajme të tjera
-
Berisha kërkon vota nga shqiptarët në Angli, vendin që e shpalli ‘Non Grata’: Keni rol në fitoren e opozitës, Ramën në Londër priteni me vezë dhe domate
17 Nëntor, 20:04 -
Dy ditë seancë maratonë, Kuvendi do miratojë Buxhetin! PD ka paralajmëruar protestë të martën në orën 17:00
17 Nëntor, 17:31
-
Berisha sulmon luftën partizane: 17 Nëntori shënon zëvendësimin e një pushtimi të huaj, me një pushtim barbar që zgjati 46 vite! Masakra e terrorit të kuq
17 Nëntor, 16:41 -
Buxheti 2025/ Bardhi: Rama ka para që të paguajë inceneratorët që s’ekzistojnë, por jo për pensione dinjitoze! Në 12 vjet nuk bëri asgjë, më të ulëtat në rajon
17 Nëntor, 15:21 -
PD thirrje SPAK: Heto procedurën e shpalljes si investitor strategjik të vëllait të kryetarit të FRESSH dhe ish-kryebashkiakut të Vorës
17 Nëntor, 14:48 -
Shpërthen ish-deputeti PD për çlirimin e Tiranës: Një komunist i mirë, është një komunist i vdekur
17 Nëntor, 12:11 -
Mero Baze: Përse Berisha është i tërbuar me opozitarët e rinj
17 Nëntor, 07:07
-
'Kryebashkiakja e Kurbinit dosjet mal në SPAK', PD: Abuzime me rindërtimin, vjedhje të pronave dhe korrupsion
16 Nëntor, 21:30 -
Ylli Pata: Rikthimi dhe riciklimi! Dy fenomenet e kundërta që Berisha i ka provuar para Trump
16 Nëntor, 20:22
-
Vota e diasporës/ PD: Edi Rama dhe PS kanë nisur operacionin kriminal për ta manipuluar
16 Nëntor, 18:59 -
'Forcat e reja i bëjnë fresk Ramës', Endri Shabani replikon me Berishën: Je pjesë e tavës, ke marrë leje ndërtimi nga Rama
16 Nëntor, 17:39 -
Frrok Çupi: Këta të bëjnë me zor ta duash Enver Hoxhën
16 Nëntor, 16:48
