Jam shumë kurioz të kuptoj se çfarë mendojnë ata deputetë apo ndjekës të Sali Berishës, që e kanë parë sot në orën 12 në konferencën e zakonshme të shtypit.
Natyrisht kur kanë marrë njoftimin për konferencë dhe ftesën e Berishës që të ishin në tavolinë, kanë menduar se po mban ndonjë qëndrim ndaj konfliktit mes Izraelit dhe Hamasit. E ka pasur shumë qejf ta trajtojë këtë temë gjithmonë, që nga koha e Arafatit kur ai e kërcënoi në Presidencë më 1995, për një dallaver me armë që kishte bërë qeveria jonë me palestinezët.
Ndonjë tjetër mund të ketë menduar se mund të kishte si temë problemin e Kosovës meqë tani BE do të marrë një qëndrim ndaj Serbisë, dhe Kosovës do t’i duhet të nënshkruajë asosacionin. Me këtë rast natyrisht që do sulmonte dhe Edi Ramën.
Më pak optimisti ka menduar se mund të japë njoftimin që të bëjnë një protestë madhështore me 16 tetor, me rastin e mbajtjes së Konferencës së Berlinit në Tiranë, kur gjithë liderët e BE do të jenë tek piramida e Enver Hoxhës. Motivet janë të shumta për ta bërë këtë, qoftë dhe vendi ku mbahet.
Por ndoshta i kujtohet ai incidenti i vjetshëm kur u përpoq të zhurmonte takimin e Bashkimit Evropian në Tiranë përmes një mitingu dhe një i çmendur shkoi e qëlloi duke e gjakosur.
Por jam i sigurt se pak kujt, ndoshta askujt, nuk i ka shkuar në mendje që të dilte në konferencën për shtyp për të treguar se “analiza e humbjes së zgjedhjeve të 14 majit po ecën ngadalë, por ky proces e ka tmerruar Edi Ramën”.
Të mbledhësh gjithë ata njerëz në atë sallë, në një kohë kur gjysma e botës është në luftë dhe gjysma e kombit tonë po ashtu e rrezikuar nga lufta, dhe të deklarosh se Edi Rama po tmerrohet nga analiza që po bën partia e Berishës për humbjen e thellë më 14 maj, është ose të tallesh rëndë me ata që të vijë pas duke i trajtuar si debilë, ose pastaj të jesh katandisur aq keq mendërisht, sa të bëhesh gazi i botës.
D.m.th bota po tmerrohet nga terrori i Hamasit në Izrael, Ballkani po tmerrohet nga terrori i serbëve në Banjskë, Lindja po tmerrohet nga terrori i rusëve në Ukrainë, kurse Edi Rama po tmerrohet nga “analiza e humbjes më 14 maj” që po bën Berisha.
Tani unë nuk di çka menduar ai Bylykbashi që ishte në krah, Gazmend Bardhi apo Tabaku që nuk kanë hequr dorë nga të menduarit, se nga Ed Paloka e Flamur Noka nuk pres të mendojnë.
Nuk e di si e kanë pritur këtë përfundim “gjenial” që Edi Rama “po tmerrohet nga analiza e humbjes që po bën Berisha”, por di të them që ata ose kanë një hall të madh personal që shkojnë pas një të rrjedhuri në këtë shkallë kaq të rëndë, ose mendojnë se ai po tallet me ta, por ata duhet ta durojnë. Në të dy rastet, ata duken më keq se Berisha.
Lajme të tjera
-
Militantë të Berishës protestojnë kundër Ramës në Londër (VIDEO)
24 Nëntor, 12:59 -
Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës
24 Nëntor, 12:13 -
Berisha: Rama mizogen, e tregon edhe në kabinet me gratë
24 Nëntor, 11:00 -
Kreshnik Spahiu: Pse Strasburgu po e zhgënjen shumë keq Partinë Demokratike?
23 Nëntor, 23:55
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
