Shumë nga mbështetësit formalë të “Foltores” së Sali Berishës në PD, të cilët përbëjnë shumicën e atyre që e mbështesin, kanë si alibi nevojën që kanë për Sali Berishën për të hequr nga PD Lulzim Bashën. Shumë prej tyre i kuptoj. Kanë pas dështimet e veta në karrierë nën drejtimin formal të PD nga Lulzim Basha ose nuk kanë arritur të realizojnë ambiciet e tyre. Ndoshta dhe për faj të Lulzim Bashës.
Por për të gjithë ata që kanë vërtet dëshirë të heqin Lulzim Bashën nga kreu I PD, dhe jo ata që e kanë për alibi, ka vetëm një rrugë. Dhe ajo është braktisja e Sali Berishës dhe largimi I tij familjarisht nga PD siç rekomandojnë sanksionet e Shteteve të Bashkuara të Amerikës.
Që të iki Lulzim Basha nga PD, apo së paku që të krijohen kushte që Lulzim Basha të iki, duhet që të ikë i pari Sali Berisha. Ata që thonë po nuk iku Lulzim Basha nuk ikën Berisha, thjesht ose nuk njohin Berishën, ose nuk duan të njohin të vërteten në PD.
Nëse Lulzim Basha i hap rrugë Sali Berishës në këtë moment, jo vetëm që e kthen PD në një parti të fisit Sali Berishës zyrtarisht, por e kthen dhe në një repart regresiv antiperëndimor që do izolohet dhe shkatërrohet dhe nga vet ata që duan ti dalin zot tani.
Lulzim Basha ka qenë i pamundur për tu konkurruar prej tyre deri më sot pikërisht pse kishte garant të tij Sali Berishën. Në korrik të këtij viti, sikur të mos ishte mbështetja e Sali Berishës ai dhe mund të ishte i konkurrueshëm. Ai u bë i pakonkurrueshëm falë Sali Berishës, i cili ishte ndërkohë në listë të zezë dhe rivalët e Lulzim Bashës bënin sikur nuk kishte rëndësi. Njësoj si Lulzim Basha..
Tani ata që vërtet mendojnë se duan të heqin Lulzim Bashën duke sjellë dhe formalisht në krye të PD Sali Berishën, janë thjeshtë ushtarë të Sali Berishës dhe jo kundërshtarë të Lulzim Bashës. Kundërshtarë real të Lulzm Bashës janë ata që duan një betejë me Lulzim Bashën pa Sali Berishën në sfond. Dhe ata në këtë moment, minimalisht duhet të jenë kundër Sali Berishës. Nuk i detyron njeri të jenë me Lulzim Bashën, por rreshtimi me Sali Berishën i bënë ata përgjegjës për shkatërrimin final të Partisë Demokratike, pasi ata nuk duan të zbojnë Lulzim Bashën, por të përsërisin fatin e Lulzim Bashës duke i emëruar tanimë ata Sali Berisha..
Prandaj kjo alibi nuk qëndron. Është thjesht një justifikim për të mbështetur një lëvizje regresive, e cila nuk do ketë as ditë lindje, as ditë vdekje, por do të qëndrojë si hije zezë për PD sa të jetë gjallë Sali Berisha dhe derisa ndaj tij dhe familjes së tij të fillojë të veprojë drejtësia. Ata që mendojnë se me lëvizjen haxhiqamiliste të Sali Berishës do të trembin SHBA dhe drejtësinë thjesht i gënjen mendja, ose akoma më keq, i gënjen Saliu.
Kushdo që ka vërtet aspiratë të konkurrojë apo të largojë Lulzim Bashën nga kreu i PD, duhet të luftojë të pastrojë fushën nga Sali Berisha. Njësoj vlen kjo dhe për ata që thonë “të ikin që të dy”. Sali Berisha as ka ikur as ikën me dëshirat e tyre fëminore apo djallëzore. Atij i duhet PD si një repart taliban kundër SHBA dhe do jetë aty për të shkatërruar legjitimitetin e saj dhe për të mbajtur një lëvizje ilegale në male kundër SHBA. Mos prisni prej tij as të iki, as të bëhet kryetar as të formalizojë ndojnë parti të re. Ai do të qëndrojë në ilegjitimitet për tu dukur si viktimë e SHBA dhe Lulzim Bashës. Ata që duan PD dhe një të ardhme të saj qoftë dhe pa Luzim Bashën, së pari duhet të bëjnë betejë me te keqen më të madhe të PD e cila është Sali Berisha. Lulzim Basha është i dënuar të qëndrojë kundër Sali Berishës, është i dënuar të mbrojë PD prej tij dhe pastaj t’i hapë rrugë garës në PD pa Sali Berishën. Beteja e tij reale në krye të PD fillon tani, kur Sali Berisha e ka çuar PD në buzë të humnerës dhe do të marrë me vete bashkë me familjen e tij. Të tjerat vijnë pas.
Komente
Lajme të tjera
-
'Pas 5 nëntorit doli madhështia e SHBA-së', Berisha: Ju qëndruat kundër një Amerike tjetër, që bëri grusht shteti ndaj opozitës në funksion të diktatorit
28 Nëntor, 13:21 -
Protesta e PD-së më 26 nëntor, lirohet nga qelia një prej të arrestuarve! Nesër del për masën protestuesi tjetër! Deputetët e PD-së po hetohen si organizator
28 Nëntor, 10:43
-
Ja pse 'lirimi' i Sali Berishës i gëzoi të gjithë
27 Nëntor, 23:04
-
Po tani, ka drejtësi zoti Berisha ?
27 Nëntor, 22:37
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15 -
Elezi në Report Tv: Berisha nga Partia Komuniste, dështoi me protestën! Toska: Fije shprese për mbështetësit
27 Nëntor, 21:11 -
Policia procedoi 17 deputetë për protestën, Korreshi: Lani sqetullat se na helmuat, e nuk hamë dot përshesh
27 Nëntor, 20:05 -
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
Jakin Marena: Berisha ‘xhiroi bosh’ një vit, rikthim në pikën zero, pa kauza e alibi
27 Nëntor, 19:03
-
Falenderoi gjyqtaren që e liroi, por çfarë thoshte Berisha pak ditë më parë për të
27 Nëntor, 18:33
-
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
Nuk ka me force te djathte ne Shqiperi. E zhduken klasa drejtuese qe nuk ka pasur asnjehere vizion dhe projekt si force e vertete antikomuniste. I hapen rruge mandateve te pafund te te njetes force politike. Kauza e ish te perndjekurve ka vdekur. Kthini me pushtet i ish hetiesve te sigurimit eshte ne syte e te gjithve. Behet fjale vetem per karrige dhe jo per udhehqje dhe lider te nje force politike. Kush kishte vizione dhe ide eshte eliminuar nder vite na i pari dhe pastaj nga i dyti. Kush i mbeshtet si njerin si tjetrin jane vetem nje grusht ultras stadiumi qe ushqehen me ndjenja inatesh dhe favore personale qe skane te bejne me nje alternative politike dhe vlera demokratike. Ne fund do mbesi vetem nje e rrethuar nga nje tufe njerezish qe nuk jane ne gjendje te dallojne te bardhen nga e zeza. Pra jemi nje nje shtet demokratik monist. Bukur na e kane kurdisur
PërgjigjuAtè qè pèrfaqèson Saliu nè politikè, zvarranikèsinè, ligèsinè, tradhètinè dhe perversitetin,,,,e pèrfaqèson Ymer Baze nè "median e pavarur" tè kètij tranzicioni rrumpallè. Ndjej NEVERI pèr tè dy, pèr dhèndrin e Serbisè dhe njomèzin e Janullès.