Kemi dy ultimatume. I pari më i afërti vjen nga Grida Duma. Ajo i ka dhënë ultimatum Lulzim Bashës deri nesër të plotësoj kërkesat e saj ndryshe nuk e di çfat e pret. Nuk jam shumë i qartë se çfarë grupi përfaqëson ekzaktësisht Grida kundër Lulit, por mendohet se është një drejtueset e së paku tre grupeve që Basha ka kundër në PD, dhe vija e kuqe që ndan fatin e Lulzim Bashës, është së paku ikja nga kreu i PD.
Ultimatumi i Gridës pason ultimatumin e një prej mbështetësve të Berishës, që ka paralajmëruar Lulin, se duhet jo vetëm të largohet por të mbyll gojën dhe të mos kërkoj largimin e Doktorit.
Por as Edi Rama nuk i ka më mirë punët.
Grupi i gatshëm i protestuesve, që dalin në bulevard për shkak të rritjes së çmimeve, i kanë vënë Edi Ramës ultimatum deri të shtunën. Njëri prej liderëve të një prej grupeve që protestojnë, i ka renditur një tabelë me gjashtë pika dhe i thotë që nëse nuk i plotëson ato, atëherë duhet të i se ndryshe do ndodh më e keqja.
Një tjetër drejtues, i një grupi protestuesish, por që përfaqëson fraksionin e 8 janarit, ka denoncuar ultimatumin e parë, dhe ka paraqitur disa pika të tjera, duke mos e ndryshuar thelbin e kërcënimit. Thjesht Rama duhet të plotësoj kërkesat e tij dhe jo të atij tjetrit.
Kundër të dy grupeve, është një i tret, me prirje “arqiomarksiste” i cili nëse nuk do largohet Edi Rama e kërcënon se do ekzekutoj pesë gazetarë që e mbështesin atë në shenjë hakmarrje.
E përbashkëta e të dy ultimatumeve është Lulzim Basha, i cili ka gjasa të jetë fajtor jo vetëm për humbjen e PD edhe për rritjen e çmimeve, pasi protestuesit e mbajnë në duar dhe portretin e tij si sinonim i armikut.
Do të mjaftonin ultimatumet për të kuptuar se kush janë protestuesit, pse janë në rrugë dhe çfarë kërkojnë. Nuk janë njerëz të Putinit. Për hirë të së vërtetës ata janë serioz dhe nuk harxhojnë pare për gjëra joserioze. Kur e marrin ata në dorë, kuptohet qe është serioze. Këta thjesht duan ti bien ne sy për mirë.
Nuk janë as përfaqësues të njerëzve në nevojë dhe as përfaqësues idesh ekonomike. Një sharlatan që bën sikur qanë për naftën e ARMO e del duke bërë llogari nëpër ekrane, ka qenë bashkepuntor i Rezart Taçit, në historinë e privatizimit dhe mbledhës lekësh në AKBN duke u marrë dhe gjysmat e dietave punonjësve për llogari të LSI. E kam para sysh gëzimin e tij kur Rezart Taçi na agresonte ne gazetarëve që denonconim shitjen e ARMOS .
Të tjerët në shumicë janë mitomanë të konsumuar nga çdo parti dhe protestë prej dhjet vitesh në këtë vend. Ata ngjajnë më shumë me ato vajzat fatkeqe që dikush u ka premtuar parajsën dhe i nxjerr në semafor, dhe që tashmë atë që e kanë punë për bukë të gojës, na e paraqesin si ideal.
Ultimatumet e tyre na çojnë të gjithë tek Shtëpia e Lirisë, e cila në fakt vuan nga sindromi i ultimatumeve. I pari i shtëpisë, Sali Berisha, ka marrë një ndëshkim të përjetshëm, si hajdut për korrupsion domethënës, si minues i demokracisë dhe si dhe shantazhues i sistemit të drejtësisë.
I dyti Ilir Meta, dhe për shkak të problemeve mendore, jeton natë e ditë nën një kërcënim të padukshëm se mund ta degdisin të vdekur tek Mali me Gropa. Për këtë arsye ata janë të paqartë se ç’duhet të bëjnë me protestën, ç’duhet të bëjnë me ultimatumet e tyre, dhe mbi të gjitha ç’duhet të bëjnë me “fitoren” e tyre më 6 mars, e cila “fort po shndrin, e pak po ngroh”.
Ndaj tani duhet të durojmë disa ditë vetëm ultimatume. Luli e ka afatin deri nesër, Rama e ka afatin deri të shtunë, Berisha dhe Meta janë mall pa afat. Si gjithë të vdekurit.
Komente
Lajme të tjera
-
Berisha kërkon vota nga shqiptarët në Angli, vendin që e shpalli ‘Non Grata’: Keni rol në fitoren e opozitës, Ramën në Londër priteni me vezë dhe domate
17 Nëntor, 20:04 -
Dy ditë seancë maratonë, Kuvendi do miratojë Buxhetin! PD ka paralajmëruar protestë të martën në orën 17:00
17 Nëntor, 17:31
-
Berisha sulmon luftën partizane: 17 Nëntori shënon zëvendësimin e një pushtimi të huaj, me një pushtim barbar që zgjati 46 vite! Masakra e terrorit të kuq
17 Nëntor, 16:41 -
Mero Baze: Përse Berisha është i tërbuar me opozitarët e rinj
17 Nëntor, 07:07
-
Ylli Pata: Rikthimi dhe riciklimi! Dy fenomenet e kundërta që Berisha i ka provuar para Trump
16 Nëntor, 20:22
-
'Forcat e reja i bëjnë fresk Ramës', Endri Shabani replikon me Berishën: Je pjesë e tavës, ke marrë leje ndërtimi nga Rama
16 Nëntor, 17:39 -
Frrok Çupi: Këta të bëjnë me zor ta duash Enver Hoxhën
16 Nëntor, 16:48
-
Eduard Zaloshnja: Tavani elektoral i Berishës, i PD-së, dhe i partive të reja deri më sot
16 Nëntor, 12:33
-
Fondet e BE-së për bujqësinë, Basha: Korrupsioni dëmtoi fermerët! Programi i Demokratëve Euroatlantikë me subvencione të drejtpërdrejta
16 Nëntor, 11:30 -
Evi Kokalari-demokratëve: Kë menduat ju se do tërhiqnit zvarrë, o budallenj? Do plasin skandale që si keni imagjinuar ndonjëherë po u hap dosja amerikane e Berishës
15 Nëntor, 21:58 -
Avokati Beqiri në Report Tv: SPAK do nisë Hetimet edhe për Argitën dhe Shkëlzen Berishën! 23 dosje për Metën ‘flenë’ në qeveri
15 Nëntor, 19:53 -
Jakin Marena: Berisha e PD po sillen si ‘zyrtarë’ të Trump, dikush t’i ‘zgjojë’!
15 Nëntor, 18:34
Z Mero ju mirë e keni,por asnjëri s'ka me ikë pa bërë pd- në cop e çik,ky është misioni final,veç tyre në pd-ë asnjë i gjallë,këta janë pd-ja,këta janë e ardhmja,mjerë moj opozitë ç'i ke këta trapa.
PërgjigjuKa nje kohe te gjate qe askush nuk merr seriozisht analizat dhe shkrimet e Bazes..sepse jane pa baze..
Përgjigju