POP 5

Lajmet më të lexuara të 5 minutave të fundit

Kronikë

Merr fund 'tortura' për shqiptarët në doganë/ Qeveria e Kosovës hap kufijtë! Nga e hëna s'ka test anti- COVID e as vetëizolim

Merr fund "tortura" e shqiptarëve në doganën me Kosovën. Pas një bllokimi për një javë, kryeministri Avdullah Hoti, vetëm pak ditë pasi mori zyrtarisht detyrën, ka vendosur për hapjen e kufirit me Shqipërinë, por pa kushte e vendosura nga "qeveria Kurti".

KOSOVË- Merr fund "tortura" e shqiptarëve në doganën me Kosovën. Pas një bllokimi për një javë, kryeministri Avdullah Hoti, vetëm pak ditë pasi mori zyrtarisht detyrën, ka vendosur për hapjen e kufirit me Shqipërinë, por pa kushte e vendosura nga "qeveria Kurti".

Që do të thotë, tanimë çdo shqiptar që do të shkojë në Kosovë nuk ka nevojë që të paraqesë dokument se ka bërë testin e COVID-19 të 4 ditëve të fundit apo të karantinohet për 7 ditë. Vendimi është marrë në mbledhjen e katërt të Qeverisë së re. Ministri i Shëndetësisë, Armend Zemaj, tha se qytetarët e Shqipërisë që hyjnë në Kosovë nuk do të vetizolohen, por për ta do të ketë kontrolle të detajuara mjekësore.

“Kontrollin e detajuar mjekësor të të gjithë qytetarëve që hyjnë në Kosovë. Që nga dita e hënë propozoj që qytetarët që hyjnë në Kosovë nuk do t’i nënshtrohen vetëizolimit dhe në vend të testimit për ata që hyjnë do të jetë kontrolli i detajuar," ka thënë kreu i shëndetësisë.

Më 1 qershor Kosova hapi kufirin me Shqipërinë, por me dy kushte, testin e COVID- it  dhe vetë izolimin prej 7  ditësh, çka solli reagimin e qytetarëve të Shqipërisë të cilët gjatë kësaj jave priten në orë të tera në  kufi për të hyrë në Kosovë. Ato kishin vendosur edhe një takse prej 22 euro për kamionët, por që u hoq për shkak të kundërshtimeve të shumta nga ana e kompanive. Mirëpo, nga e hëna, kjo bllokadë do të marrë fund për të gjithë shqiptarët. 

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Greqia nderon Anastasin, sot shërbesa e liturgjisë hyjnore në Mitropolinë e Athinës, merr pjesë dhe kryeministri Mitsotakis

Greqia nderon Anastasin, sot shërbesa e liturgjisë hyjnore në Mitropolinë e Athinës, merr pjesë dhe kryeministri Mitsotakis

26 Janar, 07:27