Zbardhet ‘misteri’ i arkivolit në mes të qytetit të Durrësit (FOTO)

DURRËS- Një ngjarje e pazakontë është regjistruar sot në qytetin e Durrësit. Një arkivol është lënë në rrugë, në lagjen numër 1 në Durrës.

Hamendësimet ishin të shumta lidhur me arsyet e vendosjes së arkivolit në atë vend dhe personave që e kishin vendosur. Misteri, me të cilin “u vesh” ngjarja, është zgjidhur pak orë më vonë.

burime zyrtare konfirmojnë se me arkivolin e gjetur të braktisur mëngjesin e sotëm, ka mbërritur në Durrës trupi i një personi që ka ndërruar jetë në një spital në Turqi.

Familjarët e të ndjerit kanë përzgjedhur një tjetër arkivol, ndërsa atë me të cilin trupi i pajetë udhëtoi nga Turqia drejt Shqipërisë e kanë braktisur në vendin ku ai u gjet sot në orët e para të mëngjesit.

Prania e arkivolit në buzë të rrugës ka vënë në lëvizje edhe efektivët e Policisë së Rendit, të cilët fillimisht kanë kontrolluar arkëmortin për praninë e ndonjë objekti të dyshimtë dhe më pas kanë hapur kamerat e sigurisë të bizneseve përreth për të zbuluar identitetin e personave, që e braktisën arkivolin në atë vend.

B.K./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A bënë zgjedhjen e duhur demokratët duke rikthyer në krye Sali Berishën?



×

Lajmi i fundit

John

30 vite nga ekzekutimi mafioz i Giovanni Falcones, si u ‘eliminua’ me urdhër të Toto Riinës! Pas vrasjes së tij, shoqëria italiane i ‘shpalli luftë’ mafias