Sulmi i Berishës për Yuri Kim: Promotore e aferave korruptive, s'reagoi ndaj skandaleve! Uroj të mos jetë McGonigal politik për interesat e Ramës në Washington

Në ditën e saj të fundit si ambasadore e SHBA në vendin tonë, Sali Berisha nuk ka kursyer sulmet ndaj Yuri Kim, të cilës i thotë se shpreson që të jetë McGonigal politik për interesat e Ramës në Ëashington. Ai i uroi suksese ambasadorit David J. Kostelancik dhe ironizoi mirënjohjen që Rama i shprehu ambasadores duke e cilësuar si 'apoteozë'.

“Duke i uruar suksese ambasadorit të ri të SHBA në misionin e tij në Shqipëri uroj gjithashtu që ish ambasadorja Yuri Kim, që u soll ndaj opozitës shqiptare si një McGonigal politik, të mos jetë një e tillë per intersat e Edi Ramës në Ëashington”, shkroi Berisha.

Ndryshe nga kreu i qeverisë që i dedikoi një shkrim mirënjohje ish ambasadores amerikane, ish kryeministri Sali Berisha nuk kursen sulmet për Yuri Kim, të cilës i referohet si ambasadore antiopozitare që nuk reagoi asnjëherë ndaj skandaleve. Në një shkrim të gjatë, Berisha thotë se vlerësimet e Ramës vijnë si pasojë e sinkronizimit të tyre në luftën ndaj opozitës dhe heshtjen që Kim bëri për aferat e qeverisë.

Dy fjalë për apoteozën e Ramës për ish Ambasadoren Yuri Kim.

Të dashur miq, Edi Rama i kushton sot një lirikë politike, apoteozë të vërtetë, ambasadores Yuri Kim, e cila gjatë qëndrimit të saj në Tiranë u soll mbështetëse e fuqishme e tij dhe siç vlerësuan media, anaslistë dhe politikanë, si sekretare e Partisë Socialiste, por dhe si një armike ideologjike e opozitës konservatore. Ajo sinkronizoi me Edi Ramën dhe qeverinë e tij sulmet e panumërta ndaj opozitës, përpjekjet antidemokratike të tij për kontrollin e opozitës për të mbështetur pushtetin e tij monist. Ajo ndërhyri në mënyrë antikushtetuese dhe antiligjore në vendime të gjykatave kundër opozitës së vërtetë, bëri presion të vazhdueshëm për hapje të proceseve gjyqësore ndaj opozitës.

Ajo është ambasadorja që me qëndrimet e saj si guvernatore dhe antiopozitare, dëmtoi më shumë se kushdo tjetër reputacionin e vendit të madh të lirisë në Shqipëri dhe u sulmua me dhjetëra herë nga personalitete, media e politikanë të të gjithë spektrit politik opozitar dhe të pavarur, për partinzanship-in në qëndrimet e saj, për shkeljen flagrante të "Konventës së Vienës" gjithnjë në interes të qeverisë së Edi Ramës. Yuri Kim është ambasadorja që në 32 vite gënjeu më shumë dhe publikisht se çdo ambasador tjetër shqiptarët, gjithnjë kundër opozitës dhe në mbështetje të autorit të lirikës politike të sotme. Në vitet e saj në Shqipëri shpërtheu skandali me i madh në marrëdhëniet midis dy vendeve, skandali McGonigal. Ish - shefi i kundërzbulimit të FBI-së për Neë York-un i cili u korruptua nga Rama dhe u përdor prej tij gjatë kohës që ishte në detyrë kundër opozitës shqiptare për shkatërrimin e saj si dhe për shndërrimin në biznes korruptiv të sanksioneve të qeverisë amerikane në Shqipëri.

Ajo nuk reagoj ndaj asnje skandali te qeverise se Edi Rama shkatrrimin e paligjeshem te Teatrit Kombetar, shkeljes se marrveshjes se qershorit 2020 per ligjin elektoral? aferes korruptive te insenerstorve. Zonja Yuri Kim nuk u tha shqiptarëve kurrë asnjë fjalë te vetme për superskandalin Rama - McGonigal sepse ajo vetë, sipas dëshmive në një farë mënyre, u bë pjesë e skemës së gjobvënies së biznesmenëve shqiptarë nga grupi gjobvënës i drejtuar direkt nga McGonigal. Ajo si asnjë ambasador tjetër, përdori pushtetin e saj si përfaqësuese e vendit të madh të lirisë për të promovuar dhe mbështetur afera të hapura korruptive qindra milion dollarë në Shqipëri. Ish ambasadorja Yuri Kim me qëndrimet e saj nuk respektoi standardet etike të ambasadorit. Ajo u përfol si asnjë ambasador tjetër i SHBA-së në 32 vite për afera rozë dhe prona të cilat nuk i përgenjështroi vetë, por për këto të fundit habitshëm preferoi si për të provuar lidhjet e saj të ngushta me Edi Ramën që këtë përgënjeshtrim t'ia besojë vetë Edi Ramës.

Të dashur miq, ambasadorja Yuri Kim gjatë qëndrimit të saj në Shqipëri bëri përpjekje të hapura antikushtetuese që te emëronte kryetarin e Partisë Demokratike forcës konservatore të vendit duke përdorur kërcenime të hapura ndaj anëtarëve të Partisë Demokratike dhe habitshëm duke mbështetur njeriun që në një raport të bërë publik, kumuniteti inteligjent i SHBA e kishte akuzuar direkt se ka pranuar 500 mijë dollarë financime ruse. E gjitha kjo për të mbeshtetur dhe konsoliduar pushtetin e autorit të lirikës politike Edi Rama. Por në luftën e saj politike pa asnjë princip, Zonja Kim shkoi deri atje se të falsikojë në mënyrën më të neveritshme marrëdhëniet Shqiptaro-Amerikane në 100 vjetorin e tyre, duke dëshmuar një kulturë të ekstremit të majtë të cilën shqiptarët nuk e kanë harruar akoma nga koha e diktaturës hoxhiste. Ajo e bëri këtë vetëm e vetëm se promotor kryesor në Shqipëri i marrëdhënieve Shqiptaro-Amerikane nga vizita e Sekretarit Baker në qershor të vitit 1991 dhe në vitin 2013 kishte qenë Partia Demokratike.

Duke i uruar suksese ambasadorit të ri të SHBA në misionin e tij në Shqipëri uroj gjithashtu që ish ambasadorja Yuri Kim, që u soll ndaj opozitës shqiptare si një McGonigal politik, të mos jetë një e tillë per intersat e Edi Ramës në Ëashington", shkroi Berisha.

Kujtojmë se ambasadorja e SHBA-ve, Yuri Kim ka qenë një prej figurave më të përfolura në politikën shqiptare por edhe në opinionin publik. Misioni i saj shumëngjyrësh në aludime, mori hov që prej shpalljes ‘Non Grata’ së ish kryeministrit Berisha, i cili që prej atij momenti, u kthye në politikë për të “zbardhur” futjen në listën e zezë të një superfuqie. Ajo është përballur me akuza të njëpasnjëshme nga ish kryeministri Berisha dhe kampi i tij pas shpalljes së tij Non Grata nga Amerika. Kim ka pasur të njëjtin qëndrim që në ditën e parë për Berishën. Edhe sot, me të njëjtën elegancë, Kim tha se Uashingtoni sheh vetëm nga e ardhmja, duke nënkuptuar se figura politike e Berishës, është diçka që i përket së shkuarës. 

Me mbylljen e mandatit në Tiranën zyrtare, ambasadorja amerikane Yuri Kim pritet të marrë një nga pozicionet më të rëndësishme në Departamentin e Shtetit, atë të zëvendës ndihmës sekretares për Çështjet Europiane.

Këtë detyrë diplomatja amerikane pritet ta marrë nga data 10 korrik.Në janar 2023 Presidenti amerikan Joe Biden emëroi David J. Kostelancik, dhe më 30 mars 2023 gjatë seancës së konfirmimit para Komisionit për Marrëdhëniet me Jashtë në Senatin e Shteteve të Bashkuara, ai parashtroi përparësitë e tij si ambasador në Shqipëri.

A.M./Shqiptarja.com

TAG:
• edi rama
• Yuri Kim
• sali berisha