Dy Pelikanë Kaçurrel janë gjetur së fundmi të ngordhur ne Lagunën e Nartës. Shpendët janë gjetur nga kalimtarët dhe në fillim u dyshua se jan qëlluar me armë gjahu, por sipas 'AOS' (Albanian Ornithological Society) ata kanë ngordhur si pasojë e hasjes në rrymën elektrike.
Me anë të një reagimi AOS shpjegon se janë gjetur poshtë linjave elektrike gjë që konfirmon përplasjen në telat më elektricitet.
Pelikani Kaçurrel dhe autokton në Shqipëri, konsiderohet gjithashtu edhe si një nga më të rrallët në të gjithë Mesdheun që preferon të rritet Lagunën e Karavastasë në Divjakë dhe atë të Nartës në Vlorë.
Postimi i plotë i 'AOS':
Dy pelikanë të ngordhur janë gjetur këto ditë në Kriporet e Nartës. Individi më i fundit, është me siguri folezues i tanishëm në koloninë e Divjakës nisur nga ngjyra e verdhë në portokalli e xhepit të sqepit dhe pjesës së sipërme të kraharorit. Hipoteza të ndryshme janë hedhur në media mbi arsyen e ngordhjes së tyre dhe theksi është vënë tek goditja me armë zjarri. Por asnjë prej pelikanëve të ngordhur nuk shfaq plagë të armëve të zjarrit.
Pelikanët e ngordhur janë gjetur gjithmonë poshtë linjave elektrike prej ku ngrihet dhe hipoteza se ata mund të jenë përplasur me këto linja që, për fat të keq, shtrihen gjerësisht në territorin e kripores.
Gjithashtu, intervistat e kryera me banorë e përdorues të zonës konfirmojnë se shkaku më i mundshëm i ngordhjes është përplasja. Jo vetëm kaq, sipas tyre 4-6 Pelikanë dhe më shumë flamino humbasin jetën cdo vit në Kriporen e Nartës nga përplasja me linjat elektrike.
Përplasja me infrastruktrën e energjisë është e njohur si një nga shkaqet e ngordhjes masive të shpendëve. Studime përmbledhëse tregojnë se cdo vit rreth 1 miliard shpendë në botë humbasin jetën nga përplasja. Përplasjet më të shumta ndodhin kur linjat e rrezikshme shtrihen në zona të njohura për shtegtim masiv të shpendëve. Narta është pikërisht një prej ketyre zonave ku dhjetëra shpend përplasen me linjat elektrike ndërsa mijëra të tjerë rrezikojnë përplasjen.
Ky kërcënim në Nartë, por edhe në zona të tjera të rëndësishme për shpendët, duhet shmangur një orë e më parë! Në plot vende europiane, operatorët e sistemit të shpërndarjes apo transmetimit të energjisë ndërmarrin groposjen e linjave për të shmangur tërësisht rrezikun në Zonat e Rëndësishme për Shpendët dhe Biodiversitetin (IBAs). Ndërkaq, në zona të tjera përdoren gjerësisht devijuesit e fluturimit të shpendëve (si në figurën më poshtë) të cilët i paralajmërojnë shpendët nëpërmjet imazhit ose zhurmës për prani dhe më pas shmagie të përplasjes me linjat.
Ka ardhur koha që këto masa të zbatohen edhe në territorin e Zonave të Rëndësishme për Shpendët e Biodiversitetin (IBAs) apo Zonave Kyc për Biodiversitetin (KBAs) shumica e të cilave sot janë të shpallura Zona të Mbrojtura, Zona Ramsar, Zona Emerald etj.
Komente
Lajme të tjera
-
Vlorë/ Gëzhoja plumbash në Lagunën e Nartës, gjuetia e paligjshme e zogjve dhe rosave kthehet në fenomen shqetësues! Rrezikohen flamingot
29 Gusht, 17:40
-
‘Vallëzim’ mes flamingove, fotot mahnitëse nga Laguna e Nartës
20 Gusht, 07:37 -
Komitet i Konventës së Bernës kërkon pezullimin e punimeve për aeroportin e Vlorës
7 Dhjetor 2022, 22:46 -
VIDEOLAJM/ Spektakël në Lagunën e Nartës, për herë të parë pas shumë vitesh, mbi 200 pelikanë kaçurrel
23 Shtator 2022, 18:56 -
Gripi i shpendëve pakëson koloninë e pelikanit kaçurrel në Karavasta, specialisti: Nga pamjet me dron kemi vënë re numër të reduktuar
11 Maj 2022, 16:42 -
Ngordhin 600 pelikanë kaçurrel në Prespë të Vogël, Drejtori i Parkut Kombëtar për Report Tv: Gripi i shpendëve rrezikon përhapjen te Laguna e Karavastasë
8 Mars 2022, 12:56 -
Situatë skandaloze në Lagunën e Nartës në Vlorë, lulëzon gjuetia e paligjshme! Report Tv siguron pamjet, fishekë pa fund (VIDEO)
31 Tetor 2021, 14:29
-
Flamingot rikthehen në liqenin e Ohrit dhurojnë spektakël
15 Tetor 2021, 22:26 -
‘Të punojmë së bashku pavarësisht kufijve’, ‘mesazhi’ i shpendëve migratorë për njerëzit
9 Tetor 2021, 14:50
-
Censusi i pelikanit, numërohen pelikanët kaçurrelë e rozë në Prespë! Specialistja e huaj: Proces i rëndësishëm, matim suksesin
16 Maj 2021, 15:14 -
Deklarata shokuese e Lulzim Bashës për Moratoriumin e gjuetisë dhe kjo video e frikshme e 2009 na kujton!
11 Prill 2021, 10:23
-
Bllokohen katër varka peshkimi pa dokumentacion në "Lagunën e Nartës"
4 Nëntor 2020, 13:15
Sa keq, sa keq , sa keq! Popull neandërtal injorant!
Përgjigju