Në përfundim do të shohim edhe kush do jenë përfaqësueset që do sigurojnë pjesmarrjen direkte në botëror dhe kush do të shkojë në fazën Playoff.
Por deri më tani një pjesë e kombëtarëve e kanë siguruar matematikisht pjesmarrjen në botëror.
Situata në grupin A është akoma e paqartë, duke qenë se Franca kryeson grupin me 17 pikë dhe ndiqet nga Suedia me 1 pikë më pak, por është Hollanda që pretendon për një vend në fazën e Playoff, në ndeshjen vendimtare që ka me Suedinë në fushën e saj.
Por në këtë grup janë edhe dy ndeshje për tu luajtur, bashkë me ndeshjet që do të zhvillohen në ditën e sotme.
Në grupin B Portugalia dhe Zvicra do të luajnë “finalen” midis tyre. Zvicra kryeson grupin me 24 pikë dhe ndiqet nga Portugalia me 21 pikë.
Portugalia mund të ngjitet në vendin e parë vetëm nëse fiton 2-0 ose më shumë pasi në ndeshjen e parë është mundur nga Zvicra po 2-0 në ndeshjen e parë.
Ky nuk është skenari i vetëm pasi të martën do të zhvillohen edhe ndeshjet përmbyllëse që do të tregojnë pasqyrën e plotë të këtij grupi.
Në grupin C janë përcaktuar skuadrat që do të marrin pjesë në botëror.
Gjermania ka siguruar matematikisht një vend në botëror, ndërsa në fazën Playoff do të shkojë Irlanda Veriut.
Grupi D duket më i komplikuar.
Serbia kryeson me 18 pikë, e cila pret në ndeshjen e fundit pret Gjeorgjin në shtëpi.
Ndeshja që përcakton fatet e këtij grupi është mes Uellsit dhe Irlandës të cilat kanë respektivisht 17 dhe 16 pikë.
Grupi E kryesohet nga Polonia me 22 pikë, e cila në rast barazimi ose fitoreje me Malin e Zi shkon direkt në botëror, ndërsa në Playoff shkon Danimarka.
Një fitore e mundshme e Malit Zi ndaj Polonisë dhe humbja e Danimarkës do të hapte një mundësi për Malin e Zi, të cilët duhet të rregullojnë edhe golavarazhin.
Grupi F e ka të përcaktuar skuadrën që shkon në botëror, Anglia kualifikohet me 23 pikë.
Ndërsa pjesmarrja në Playoff diskutohet midis Skocisë me 17 pikë, Sllovakisë me 15 pikë dhe Sllovenisë 14 pikë.
Grupi G ku bën pjesë edhe Shqipëria janë përcaktuar dy vendet e para.
Spanja shkon në botëror si e para e grupit me 25 pikë, ndërsa Italia duhet të kalojë fazën Playoff pasi u rendit e dyta në grup me 20 pikë kur ka mbetur edhe një ndeshje për tu zhvilluar.
Ndërkohë që Kombëtarja jonë ka mundësinë që të arrijë objektivin e saj duke u renditur si e treta në grup. Kjo do të varet nga rezultati i ndeshjeve Spanjë-Izrael dhe Shqipëri-Itali. Në rast se Izraeli nuk fiton ndaj Spanjës, Kombëtarja jonë e ka të sigurtë vendin e tretë.
Në grupin H, Belgjika renditet e para me 22 pikë dhe matematikisht merr pjesë në botëror.
Ndërsa faza Playoff diskutohet midis Bosnje & Hercegovinës, që renditet e dyta me 14 pikë dhe ndiqet nga Greqia me një pikë më pak.
Matematikisht në lojë është edhe Qipro që ndodhet në kuotën e 10 pikëve kur kanë mbetur edhe dy ndeshje për tu zhvilluar.
Në grupin I, Islanda kryeson me 19 pikë, e cila ka në dorë kualifikimin direkt në botëror në ndeshjen e fundit kundër Kosovës.
Vendi dytë diskutohet midis Kroacisë dhe Ukrahinës, në ndeshjen e fundit midis tyre në Ukrahinë.
Ukrahina do të kualifikohej vetëm në rast fitoreje.
Në fazën e Playoff kalojnë 9 kombëtare por vetëm 8 do të ndeshen për të siguruar një nga 4 vendet që shkojnë në botëror nga kjo fazë. Ekipi i renditur i dyti në grup me më pak pikë në krahasim me vendet e tjera të dyta përjashtohet nga faza e Playoff.
Redaksia Online
a.dr/shqiptarja.com