Messi qëndron dhe bën merkaton e Barçës: Lautaro spektakolar,dua që Neymar të rikthehet

“E adhuroj këtë skuadër dhe vendin në të cilin jetoj. Kjo është shtëpia ime”. Leo Messi “thyen” heshtjen në një intervistë ekskluzive për El Mundo Deportivo dhe u ka dhënë fund zërave që flisnin për një largim të tijin nga Barcelona mbi të gjitha edhe pas Barçagate.

Por jo vetëm kaq kapiteni ka bërë edhe merkaton e katalanasve duke thënë se Lautaro Martinez është një lojtar spektakolar dhe se do i pëlqente shumë që edhe Neymar të rikthehej. Për bashkëkombasin e tij tek Interi, Lautaro Martinez që Barcelona e kërkon me ngulm Messi sqaron:” Lautaro është spektakolar, do të bëhet një lojtar i madh dhe po e tregon diçka të tillë. Është i zoti në driblim, shënon shumë dhe lëviz mirë në zonë. Ka cilësi pra është një lojtar i kompletuar. Lautaro ka shumë gjëra të përbashkëta me Suarez. Pse jo do më pëlqente që të vinte tek Barça të fitonin diçka”.

Kapiteni i Barcelonës e përsërit se do i pëlqente që Neymar të rikthehej në skuadër:” Edhe Neymar ka shumë dëshirë të rikthehet pasi gjithmonë është shprehur i penduar që u largua” e mbyll Messi. Fjalë të rënda dhe të qarta të Leo Messit që bëjnë të “dridhen” Interin dhe PSG-në që mund të humbasin lojtarët e rëndësishëm./Nga Andi Kapxhiu

TAG:
• barcelona
• lionel messi
• El Mundo Deportivo