POP 5

Lajmet më të lexuara të 5 minutave të fundit

Sport

Messi shënon në fitoren e PSG ndaj City-t, Atletico përmbys Milanin, ngec Interi e Sheriff turpëron Realin

Për herë të parë në histori PSG thyen në Champions League Mançester Sitin. Në fitoren 2-0 të francezëve në grupin A shënoi edhe Messi. Milani u përmbys nga Atletiko dhe Liverpuli bëri goleadë. Moldavët e Sherif turpëruan Real Madrid ndërsa Interi ngeci në barazim

Për herë të parë në histori PSG mund Manchester Cityn. Në fitoren 2-0 të francezëve ndaj skuadës së Pep Guardiolës la shenjën e tij edhe Leo Messi. Ylli argjentinas gjeti golin e parë me ekipin e ri duke shënuar të dytin e sfidës së vlefshme për grupin A të Champions League. Golin e parë e kishte shënuar Gueye ndërsa PSG kryeson grupin me katër pikë e City mbetet me tre të tilla.

Belgët e Klub Bryzh bënë surprizën duke triumfuar në Gjermani 2-1 ndaj Lajpcig dhe ndodhen në kuotën e katër pikëve. Golat u shënuan nga Vanaken dhe Rits.

Ashtu si në ndeshjen e parë edhe në të dytën Milani u përmbys dhe pësoi humbjen e dytë në grupin B duke mbetur në vend të fundit pa pikë. Kuqezinjtë u mposhtën 2-1 nga Atletico Madrid në “San Siro”. Leao kaloi në delir tifozët vendas duke kaluar Milanin në avantazh por Kessie u ndëshkua me të kuq kur kishin kaluar 30 minuta lojë dhe spanjollët në fund përmbysën gjithçka me golat e Griezmann e Suarez me penallti. Në kampin italian kritikojnë vendimet e arbitrit turk ndërsa Atletico ngjitet në kuotën e katër pikëve.

Kryesimin e grupit B të Champions me pikë të plota e mori Liverpool që i dha një shuplakë Portos. Anglezët fituan 5-1 në Portugali me golat e shënuar nga treshja sulmuese. Nga dy herë e tundën rrjetën Salah e Firmino e një gol e shtoi Mane.

E pabesueshme ajo që ndodh në grupin D ku kryesojnë me pikë të plota debutuesit e Sherif Tiraspol. Moldavët turpëruan Real Madrid brenda në Bernabeu duke fituar 2-1 dhe marrin fitoren e dytë radhazi duke komanduar grupin përpara Realit e Interit.

Zikaltërit nuk e thyen dot mallkimin Shakhtar. Interi barazoi pa gola ndaj ukrainasve në Kiev dhe u kënaq vetëm me një pikë. Vendimtare për zikaltërit do jenë dy sfidat radhazi me moldavët e Sherif .

Ndërsa në grupin C me pikë të plota janë Dortmund e Ajax. Gjermanët e mposhtën 1-0 Sportingun e Lisbonës me golin e Malen.

Ndërsa Ajax në Amsterdam fitoi 2-0 ndaj Beshiktash dhe e kryeson grupin falë golavarazhit.

Përgatiti Andi Kapxhiu

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Aktivitetet kulturore/ Drama ‘Nepërkat’ në Teatrit Metropol, shfaqja ‘Fausti’ vjen tek ArTurbina! Çelet nesër ekspozita ‘Balona’

Aktivitetet kulturore/ Drama ‘Nepërkat’ në Teatrit Metropol, shfaqja ‘Fausti’ vjen tek ArTurbina! Çelet nesër ekspozita ‘Balona’

18 Dhjetor, 12:03 nga Blerina Goce