POP 5

Lajmet më të lexuara të 5 minutave të fundit

Sociale

Mësuesi kthen shtëpinë në shkollë për të mësuar Romishten: Po harrojmë ta shkruajmë, politika jo vëmendje ndaj nesh

Fëmijët romë po harrojnë gjuhën e tyre, sidomos shkrimin e saj. Një mësues në Fier, pjesë e këtij komuniteti, ka kthyer shtëpinë e tij në një klasë ku ju mëson vogëlushëve romishten. Latif Kazanxhiu akuzon partitë politike se nuk e kanë në vëmendje këtë minoritet 

Fier- Latif Kazanxhiu prej më shumë se 20 vitesh përcjell tek brezat e rinj të komunitetit rom në Baltëz e Mbrostar të Fierit, dashurinë për gjuhën, kulturën dhe traditat e komunitetit rom. 

Ai është themeluesi i organizatës “Rom Aktiv Albania” dhe një ndër mësuesit e  parë të gjuhës rome në Shqipëri, ndërsa dëshira e tij e hershme ka qenë që komuniteti rom të ketë përfshirje sociale dhe një qasje të barabartë, për të pushuar së qeni pjesë e marxhinalizuar në shoqëri. 

“Lidhur me arsimimin tim, prindërit kanë qenë ata që më kanë edukuar me frymën arsimdashëse, ndërsa tregon se gjuhën rome e kanë ruajtur vetëm në familje deri para viteve ‘ 90, ndërsa ndryshimi i sistemit na gjeti tërësisht të papërgatitur. Çdo parti politike kishte programin e vet, por komuniteti rom ishte jashtë vëmendjes së tyre. Në këto kushte u bëra nismëtar i organizatës “Rom Aktiv Albania” dhe mësova metodikën e gjuhës rome. Pas kësaj çdo ditë e jetës time ka qenë pranë fëmijëve romë për t’iu mësuar të shkruajnë e lexojnë gjuhën e nënës, por edhe për mbështetje shkollore në gjuhën shqip”, rrëfen ai. 

Kazanxhiu ndihet krenar teksa si rezultat i punës së tij 17 të rinj të komunitetet romë në Baltëz, kanë përfunduar studimet e larta dhe sot kërkojnë të angazhohen në administratë. 

Për të shqetësimi kryesor mbetet fakti se romishtja po harrohet, për shkak se shumica e tyre dinë vetëm ta flasin dhe jo ta shkruajnë, ndërsa të rinjtë hezitojnë edhe ta flasin.

Në klasën e hapur në një ambient shtëpie në Mbrostar, sot numërohen rreth 23 nxënës. Këtu, mësuesi rom përpiqet t’i japë orës mësimore të gjithë elementët e të nxënit, duke filluar nga një program pune i cili zbatohet me përpikëri si në çdo shkollë publike.

A.Q/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Itali/ ‘Skifter’ dhe shpërndarës droge, në pranga 39-vjeçari shqiptar! I gjenden armë, kokainë, hashash, valutë, pajisje dhe materiale të vjedhura

Itali/ ‘Skifter’ dhe shpërndarës droge, në pranga 39-vjeçari shqiptar! I gjenden armë, kokainë, hashash, valutë, pajisje dhe materiale të vjedhura

24 Nëntor, 21:21