Presidenti i Republikës, Ilir Meta vlerësoi me anë të një ceremonie të posaçme artistin e njohur nga Berati, Aleksandër Rrapi me Titullin “Mjeshtër i Madh”.
Kreu i Shtetit i akordoi dekoratën e lartë aktorit të talentuar e të spikatur shqiptar, dekoratën e lartë me motivacionin: “Për talentin e spikatur dhe interpretimet me mjeshtëri të lartë artistike të roleve të shumta në fushën e artit skenik, televizionit e kinematografisë, veçanërisht në skenat greke të teatrit e telenovelave dhe në diasporë. Me cilësitë dhe aftësitë e shquara artistike ka shënuar arritje të larta personale, si dhe ka demonstruar kudo vlerat më të mira të traditës së shkollës shqiptare të dramaturgjisë, artit dhe kulturës së vendit amtar”.
Në fjalën e tij përshëndetëse drejtuar familjarëve, kolegëve dhe personaliteteve të artit e të kulturës, të pranishëm në ceremoni, Presidenti Meta u shpreh se është kënaqësi të vlerësojë një artist si Aleksandër Rrapi.
“Është kënaqësi, por dhe një rast i veçantë të vlerësoj sot një artist tonin të shquar, aktorin e talentuar, Aleksandër Rrapi, pinjoll i një familje artistësh me kontribut në dramaturgjinë dhe kulturën shqiptare.
Ai ka ardhur në skenën e artit nga një qytet i lashtë si Berati, një prej qendrave më të spikatura të trashëgimisë sonë kulturore e monumentale.”
Meta tha se artisti është i pajisu me talent, përkushtim dhe pasion për aktrimin dhe kinematografinë, ai ka gdhendur faqe të rëndësishme suksesi në skenat e teatrit, filmi dhe ekranet e televizioneve.
“I pajisur me talentin, përkushtimin dhe pasionin për artin e aktrimit dhe kinematografinë ai do të gdhendte faqe të rëndësishme suksesi në skenat e teatrit, filmit dhe ekranet e televizioneve, duke u konsideruar sot si njëri prej artistëve bashkëkohorë më të njohur të diasporës shqiptare.”
Presidenti gjatë fjalës së tij tha se arritjet artistike të Rrapit kanë kapërcyer me kohë kufijtë e Shqipërisë dhe se arti i vërtet nuk nef kufi.
"Arritjet e tij artistike i kanë kapërcyer me kohë kufijtë e Shqipërisë!
Arti vërtetë nuk njeh kufij: Ai i përket gjithë njerëzimit dhe bashkon popujt dhe kulturat e tyre!
Falë mjeshtërisë së tij, aftësisë shprehëse dhe cilësive artistike, fama dhe emri i Aleksandrit u bënë të dashur dhe të kërkuar për spektatorin dhe shtypin grek.
Aktualisht ai renditet në ata pak aktorë shqiptarë nëpër botë që kanë interpretuar mjeshtërisht dhe me sukses tragjeditë dhe komeditë e lashtësisë greke.”
“Të nderuar pjesëmarrës, në karrierën e tij, artisti Aleksandër Rrapi ka merituar çmime të shumta, vlerësime dhe ka prekur majat e lavdisë, por ai nuk e mohoi kurrë identitetin shqiptar dhe faktin se i përket shkollës shqiptare të aktrimit.
Ai i përket brezit atdhetar të shqiptarëve të ndritur, të cilët kurrë nuk mund ta harrojnë atdheun e dashur! Ky brez po shënon histori suksesi personal, duke mos e mohuar, përkundrazi, duke u krenuar me origjinën e vendit, si dhe duke mbrojtur njëkohësisht traditat, gjuhën zakonet dhe kulturën tonë.
Këta janë bijtë e denjë të Shqipërisë dhe ambasadorët e kulturës tonë kombëtare nëpër botë, për të cilët kemi kaq shumë nevojë dhe para kontributit të të cilëve përulemi me respekt!
Jam i nderuar, që nga kjo bashkësi vlerash e diasporës shqiptare, kemi përzgjedhur sot, artistin Aleksandër Rrapi për ta vlerësuar me Titullin plotësisht të merituar ‘Mjeshtër i madh’!
Edhe njëherë suksese dhe mbarësi. Faleminderit!”, tha Meta.
Lajme të tjera
-
Besimtarët e krishterë në Berat festojnë Krishtlindjet: Dashuri, begati dhe harmoni në çdo familje
25 Dhjetor, 11:37 -
VIDEO/ 'Mangalem's Shade', magjia e dritave në lagjen muzeale të Beratit
25 Dhjetor, 09:03
-
E përditshmja britanike 'Sunday Times': 10 vendet më të mira për t’u vizituar në Shqipëri
23 Dhjetor, 09:52 -
Bilanci i 5 vite SPAK: 61 zyrtarë të lartë nën akuzë, Berisha e Meta, 'Vipat'! U sekuestruan 182 mln euro të krimit e korrupsionit
19 Dhjetor, 16:59 -
Polonia regjistron më shumë migrantë në kufi me Bjellorusinë
19 Dhjetor, 16:49 -
Mandarinat me kimikate/ AKU gjobit 4 mln lekë grumbulluesin në Goriçan të Beratit! Groposet ngarkesa e kthyer mbrapsht! Po bëhen analiza në një fermë
19 Dhjetor, 16:26
-
Namir Lapardhaja: Unë jam Zoti juaj më i lartë!
19 Dhjetor, 09:16
-
Mero Baze: SPAK dhe si një radiografi e demokracisë në PD
18 Dhjetor, 22:31
-
Kroacia kthen mbrapsht 3 ngarkesa me mandarina, me nivele të larta pesticidesh! Ministria e Bujqësisë: U Nisën nga Berati e Fieri, gjobit grumbulluesin
18 Dhjetor, 21:12 -
Berat/ Arrestohet një person, akuzohet për ngacmim seksual ndaj një të mituri! Kamerat e filmuan kur e përndiqte! Ishte recidivist
18 Dhjetor, 17:24 -
Dyshohet se ngacmoi seksualisht një të mitur, arrestohet 60 vjeçari në Berat
18 Dhjetor, 13:33 -
Berat/ E zuri poshtë një masiv guri teksa po punonte, arrestohet pronarja e shtëpisë, në kërkim administratori dhe drejtuesja teknike e firmës së ndërtimit
18 Dhjetor, 13:19
