POP 5

Lajmet më të lexuara të 5 minutave të fundit

Politikë

Meta dekreton ligjin energjinë: Reflekton rekomandimet dhe krijon pavarësinë e OST-së

Presidenti Ilir Meta ka dekretuar ligjin për energjinë, ku shprehet se në këtë ligj janë reflektuar rekomandimet e dhëna nga Sekretariati i Komunitetit të Energjisë, për realizimin e plotë të autonomisë së OST-së.

Meta dekreton ligjin energjinë: Reflekton rekomandimet dhe krijon pavarësinë e OST-së

Presidenti Ilir Meta ka dekretuar ligjin “Për disa ndryshime dhe shtesa në ligjin nr. 43/2015, ‘Për sektorin e energjisë elektrike’, të ndryshuar”.

Meta shprehet se në këtë ligj janë reflektuar rekomandimet e dhëna nga Sekretariati i Komunitetit të Energjisë, për realizimin e plotë të autonomisë së OST-së.

"Presidenti i Republikës Sh.T. Z. Ilir Meta, me Dekretin nr. 11506, datë 08.06.2020, ka shpallur ligjin nr. 61/2020 “Për disa ndryshime dhe shtesa në ligjin nr. 43/2015, ‘Për sektorin e energjisë elektrike’, të ndryshuar”. Ky ligj ka reflektuar rekomandimet e dhëna nga Sekretariati i Komunitetit të Energjisë, për realizimin e plotë të autonomisë së OST-së", shkruan Meta.

Po çfarë parashikon ky ligj? Ky ligj u iniciua nga Ministria e Infrastrukturës dhe Energjisë me qëllim realizimin e rekomandimeve të dhëna nga Sekretariati i Komunitetit të Energjisë. Këto rekomandime janë reflektuar edhe në Vendimin e Entit Rregullator të Energjisë. Qëllimi i këtij projektligji është realizimi i plotë i autonomisë së OST-së dhe ndarjes së OSHEE-së.

Ministrja e Infrastrukturës dhe Energjisë, Belinda Balluku, gjatë fjalës së saj në Kuvend më 14 maj 2020, tha se ndryshimet e kërkuara në ligjin për sektorin e energjisë elektrike do të sjellin dhe tërheqin më shumë investime përmes krijimit të një kornize të qëndrueshme rregullator. Reforma në energjetikë është edhe një domosdoshmëri për hapjen e negociatave me BE.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • I pafytyri: 08/06/2020 14:30

    Ilir Meta njeriu me i pafytyre qe ekziston ne bote, provincial shpirtzi,ky hijene do marre denimin qe meriton.

    Përgjigju
  • Sondazhi i ditës:

    Arrestohet Beqaj, po i përmbush SPAK pritshmëritë në luftën e korrupsionit?

Lajme të tjera



×

Lajmi i fundit

DIREKT, Euro 2024/ Në Hamburg fiton frika, Portugalia dhe Franca barazojnë 0-0 për 120 minuta! Fituesi vendoset me penallti

DIREKT, Euro 2024/ Në Hamburg fiton frika, Portugalia dhe Franca barazojnë 0-0 për 120 minuta! Fituesi vendoset me penallti

5 Korrik, 23:29