Meta: Dënimi i Karaxhiç, thirrje për të punuar për harmoninë mes popujve

Pas vendimit të Gjykatës së Hagës, e cila la Radovan Karaxhiç në burgim të përjetshëm si përgjegjës për krime lufte në Bosnje Hercegovinë, ka ardhur dhe reagimi i  Presidentit të Shqipërisë Ilir Meta.

Meta thotë se kjo vetëm një drejtësi e vonuar,  por edhe një një thirrje për të punuar për harmoninë mes popujve.

"Vendimi i sotëm i Tribunalit të Hagës, që dënoi Radovan Karaxhiçin, është jo vetëm një drejtësi e vonuar, por mbi të gjitha një thirrje që mos të harrojmë urrejtjen etnike e genocidin që buron prej saj dhe një mësim për të punuar pa u lodhur për bashkëjetesën e harmoninë mes popujve, kombeve dhe etnive në Ballkan", shkruan Meta.

Radovan Karaxhiç u dënua sot me burgim të përjetshëm për gjenocid dhe krime të luftës në Bosnje dhe Hercegovinë në vitet 1990. Në Bosnje janë vrarë më shumë se 8000 burra dhe djem myslimanë. Ai u shpall fajtor ishte shpallur fajtor për orkestrim të rrethimit të Sarajevës.

TAG:
• Ilir Meta
• radovan karaxhic