TIRANË- Presidenti Ilir Meta ka shkuar deri në të paimagjinueshme në retorikën e tij politike në zgjedhjet e 25 prillit.

Duke e krahasuar me 'luftën' atë se ç'po ndodh në këtë fushatë politike, Meta tha se nuk pyet as për fëmijët e tij kur vjen puna për Shqipërinë, madje bëri edhe një krahasim me Adem Jasharin, Kryekomandantin dhe themeluesin kryesor i Ushtrisë Çlirimtare të Kosovës që dha jetën për lirinë e Kosovës.

“Ka dy institucione qe nuk tunden, populli dhe Presidenti i Republikës. Ilir Meta para Shqipërisë nuk pyet as për fëmijët e tij. Edhe fëmijët e Ilir Metës të shuhen si fëmijët e Adem Jasharit, po qe nevoja për të mbrojtur Shqipërinë,“-tha Meta në 'One TV'.

Ai ka pasur akuza të forta se në Vlorë po vidhen votat, duke e argumentuar kështu prezencën e tij të shpeshtë në këta qark. E nisur nga kjo, ai ka pasur edhe kritika për opozitën.

“Ky grup kriminal i prekjes se votës drejtohet nga Damian Gjiknuri dhe Afrim Qendro. Vlora është qendra e gravitetit të ndjenjave kombëtare. Këtu nuk do ndodhë asnjë skenar si ai i Dibrës. Mandatet e Vlorës nuk do t’i shkojnë krimit të organizuar dhe as mafies së inceneratorëve. Ju më pyesni pse Luan Rama takon qytetarë me kapuçë në kokë në Vlorë, sepse nëse do të jetë i vërtetë ky lajm besoj edhe Luani do të ishte me kapuç. Jam këtu për t’ju garantuar se Vlora nuk i toleron tradhtarët dhe jam këtu që të mos toleroj prekjen e votës nga askush. Çdo votë e Partisë Socialiste t’i numërohet asaj. Çdo votë e Partisë Demokratike t’i numërohet asaj. Opozita t’i dali për zot të gjithë votuesve të saj dhe jo të merret me disa opozitare të shitur. Jam këtu për t’ju thënë të gjithëve se Vlora nuk manipulohet, komisionerët e opozitë nuk do të shiten dhe nuk do t’i blej askush. Çdo votë do shkojë për atë subjekt që ka votuar sovrani dhe unë do takoj personalisht çdo komisioner. Ka një skenar mafioz, me tentativa të fëlliqura e të poshtra, por që do marrin përgjigjen e merituar. Selam Çimka është një ordiner dhe unë nuk kam kohë të merrem me çimka dhe çimkat e çimkave”, tha Meta.

Në një kohë që kryedemokrati Lulzim Basha fton në debat politit kryeministrin Edi Rama, Meta ftron drejtueëin politik i PS-së, Damian Gjiknurin.

 “Eja live ballafaqohemi para vlonjatëve”, tha Meta, drejtuar Gjiknurit.

Rendit zhvillimet sipas orarit:
Ora 22:46
Meta: Nuk ka fuqi as Monika të shesë LSI nëse i shkon në mend, se nuk e kam krijuar unë partinë për ta shitur

1563266415_metaa.jpg

 Presidenti Ilir Meta tha se do e mbrojë partinë e themeluar prej tij, LSI duke theksuar se as Monika Kryemadhi 'nuk e shet dot te PS-ja'.

 “Ilir Meta ka qenë shumë i ndershëm dhe i rregullt me Edi Ramën dhe të gjithë. Por Ilir Meta duhet të jetë në rregull me Kushtetutën e Shqipërisë. Nuk ke shanse të çosh për skrap opozitën. Nuk ka fuqi as Monika të shesë LSI nëse i shkon në mend se nuk e kam krijuar unë LSI për ta shitur. Deputeti që zgjidhet në një zonë të mbrojë të drejtat e kësaj zone”, tha Meta.

B.K./Shqiptarja.com