Meta i dyzuar: Sfidat do i kalojmë me dashuri, por Zoti nuk i do arrogantët

Pas vizitës në Shkodër dhe prononcimit për mediat, Presidenti Meta ka bërë një postim në Facebook, por këtë herë duket më i moderuar në mesazhin që ka shpërndarë. Kreu i shtetit flet për dashuri, mirëkuptim, durim, shpirtgjerësi, por shton se Zoti nuk i do arrogantët dhe mburravecët duke 'thumbuar' qeverinë për teatrin por me një gjuhë më zbutur.

"Nata e Kadrit, sa një mijë muaj, sa një jetë, prandaj është quajtur e bekuar. Sonte qielli dhe toka përulen në lutjet tuaja. Gëzuar Natën e Paqes së Madhe nga Shkodra, djepi i kulturës, simbol i bashkëjetesës fetare, i qëndresës antikomuniste dhe i demokracisë.

Festat fetare këtë vit po i kalojmë në një situatë të jashtëzakonshme, por siç na porosit dhe Profeti Muhamed: Besimi më i mirë është durimi dhe shpirtgjerësia. Me dashuri dhe mirëkuptim do t'i kalojmë së bashku sfidat. Sic thotë Kurani: Zoti nuk i do arrogantët dhe mburravecët. Gëzuar natën e Kadrit! Zoti e bekoftë Shkodrën dhe Shqipërinë" shkruan Meta.

Lajmi kryesor:

Meta nga Shkodra: Durim dhe zemërgjerësi! Çështja e Teatrit Kombëtar e shenjtë

TAG:
• Ilir Meta
• teatri kombetar
• muaji i ramazanit