Meta: Ka rrezik potencial për përshkallëzim të paparashikueshëm social me pasoja të paimagjinueshme (VIDEO)

Presidenti Ilir Meta tha se ka një rrezik real sipas tij që vendi të shkojë në drejt një përshkallëzimi të paparashikueshëm 'social' siç ai u shpreh që mund të sillte pasoja të mëdha për vendin. Kështu argumentoi Meta këtë të hënë duke argumentuar përse mori vendimin për të anuluar zgjedhjet e 30 qershorit.

"Përpos thirrjeve, mesazheve dhe presidentit të Republikës për thirrje për dialog palët politike nuk janë përgjigjur. Mazhoranca thotë se do shkojë e vetme në zgjedhje pa ezauruar asnjë mundësi për zgjidhjen e krizës politike. Nga ana tjetër opozita shprehet e vendosur se do të pamundësojë zgjedhjet. Si president i Republikës theksoj ekziston rreziku real që Shqipëria të shkojë drejt përshkallëzimit të paparashikueshëm social që mund të shkaktojë pasoja të paimagjinueshme. E konsideroj rrezik për stabilitetin, qetësinë, dhe paqen në vend", u shpreh presidenti.

Lajmi kryesor:

Meta firmos LIVE dekretin e anulimit pa afat të zgjedhjeve: Datën e re caktojeni me marrëveshje politike (VIDEO)

G.M./b.ha./Shqiptarja.com

TAG:
• Ilir Meta
• OSBE
• zhdekretimi i 30 qershorit