Meta: KESH bleu energji kur priteshin reshjet, po e shet me çmim shumë të ulët në bursa

 

Në deklaratën për mediat, kreu i Partisë së Lirisë, Ilir Meta tha se KESH ka blerë energji kur në fakt e dinte që do të binin reshje shiu, ndërsa e akuzon atë se tani po e shet më lirë në bursa. 

“Kjo situatë tregon se qeveria ka qenë inekzistente dhe veprimet tepër të vonuara, pasi situata kishte dalë nga kontrolli. Më e rënda është se KESH e bleu energjinë më shtrenjtë kur dihej se do kishte reshje dhe e shet shumë më lirë se në bursë në këto momente. Dështoi projekti i satelitit që u paguan 1.5 mln euro për të parashikuar me saktësi motin. Është e qartë se kjo situatë rrezikon të përkeqësohet me masat e improvizuara, reshje të tjera priten dhe është e domosdoshme shpallja e gjendjes së fatkeqësisë natyrore, duhet të shpallet menjëherë, pasi kemi të bëjmë me një fatkeqësi natyrore të shkaktuar nga keqmenaxhimi i kaskadave nga shteti, i cili duhet të dëmshpërblejë qytetarët”, tha Meta.

LEXO EDHE:
Meta jep porositë e fundit para Konventës: Të gjithë si Tedi Blushi! Ashtu bëhet opozitë

 

Lajmi kryesor:

Meta: Përmbytja erdhi nga korrupsioni, hidrovoret në Shkodër s’ishin në punë për shkak të mungesës së energjisë! Qeveria të dëmshpërblejë qytetarët

SI.E./r.k./Shqiptarja.com

TAG:
• enkelejd alibeaj
• sali berisha
• moti i keq
• kesh
• Ilir Meta