Meta: 'Zgjedhoren' e kthej po kaloi pa konsensus! Do shpall menjëherë zgjedhjet e përgjithshme të 2021 pa konsultuar me partitë, të futet kush të dojë. Cili është plani i tij?

Presidenti Meta tha se me miratimin e reformës zgjedhore ai do të shpall ditë e zgjedhjeve të ardhshme brenda hapësirës ligjore që i jep kushtetuta e ligji. Meta tha se këtë do e bëjë pa u konsultuar me paritë dhe kush të dojë le të futet në zgjedhje.

"Po bëj të qartë se në të hapësirën kohore që kodi do më lejojë,  i miratuar me konsensus apo jo, në hapësirën që më jep Kushtetuta do të bëjë shpalljen e zgjedhjeve të përgjithshme, të ardhshme menjëherë pa u konsultuar me asnjë parti pasi jam i sigurt që të gjithë mezi po presim. Dekreti i presidentit është shumë i qartë, firmos dhe kushdo të hyjë në zgjedhje kush nuk do të mos hyjë është problemi i tij", tha Meta

Disa muaj më parë, Ilir Meta u shpreh se ish-ambasadori amerikan Donald Lu i kërkoi ndjesë se ishte i keqinformuar përsa i përket reformën në drejtësi, i pyetur se në këndvështrimin e tij, a mendon se edhe ambasadorja e re Kim është e keqinformuar, kreu i shtetit u shpreh se "Jam për të folur për gjëra më të rëndësishme, këto muhabete Rilindje lërini për vend tjetër, nuk merrem më me këto histori dhe këto punë, aq më tepër me thashetheme. Jam në krye të detyrës, mbi presidentin është vetëm Kushtetuta dhe mbi atë populli. Gjithë vendet e OKB shto edhe fuqitë bërthamore nuk e detyrojnë dot presidentin të shkelë kushtetutën" tha ai.

Presidenti Ilir Meta u shpreh se nuk ka informacion për lajmin që publikuan dje mediat greke se kryeministri Edi Rama është i gatshëm t’i japë Turqisë Pashalimanin, për ta shndërruar në një bazë ushtarake detare. "Për Pashalimanin Presidenti nuk i di të gjitha, do më duhet të këshillohem me institucionet dhe t'u jap një përgjigje në kohën e duhur. Jo cdo gjë e di presidenti' tha Meta.

Presidenti Ilir Meta u shpreh se pret mbylljen e marrëveshjes për reformën zgjedhore brenda 31 majit.

"Për çështjen e Kodit Zgjedhor, edhe unë jam i kënaqur që ndjek në media pasqyrimin e deklaratave të aktorëve politikë dhe diplomatikë, që ka përparime. Mezi pres që palët të mbajnë fjalën dhe në datën 31 maj 2020 të përmbyllen me konsensus në këtë tryezë të Këshillit Politik të gjitha ndryshimet që kërkohen me aq ngulm prej kohësh nga Bashkimi Europian, por dhe nga partnerët e tjerë.

Menjëherë do t’i firmos këto ndryshime sapo të vijnë, në mënyrë që të japim një lajm të mirë nga Tirana edhe për qytetarët, por sidomos për partnerët ndërkombëtarë, pavarësisht se do të jetë një lajm i pamjaftueshëm për atë që pritet sepse serioziteti i këtyre ndryshimeve do verifikohet nga zgjedhjet në terren" tha ai.

Nderimi i Vasil Laçit krijoi aludime të shumta për simbolikën që zgjodhi Presidenti Ilir Meta në situatën politike ku ndodhet vendi. Por i pyetur nëse ai do tëjetë një Vasil Laçi i dytë, u shpreh se "Nuk jam këtu për t'iu përgjigjur komenteve tuaja, mesazhet e mia ishin të qarta, në kuadër të 75-vjetorit të clirimit të atdheut, përzgjodha dy figura për të vlerësuar. Përtej cdo aspekti ideologjik, sepse i takojnë ideologjisë kombëtare dhe janë pjesë e krenarisë kombëtare, Mujo Ulqinaku dhe Vasil Laçi, i cili i dha mesazhet e tij të qarta dhe prandaj qëndron në përjetësi. Aludimet e tjera janë cështje e juaja, unë jam në krye të detyrës dhe kam bërë të qartë, uroj më të mirën për zhvillimet, por jo cdo gjë varet nga unë. Deri në 2022 do të jem kështjellë e mbrojtjes së Kushtetutës. Kjo është një cështje e padiskutueshme".

Presidenti Meta tha se pret nga palët politike të arrijnë një konsensus për reformën zgjedhore dhe se nëse ndodh do ta firmosë menjëherë kodin e ri, por nëse nuk ka konsensus dhe reforma kalon në mënyrë të njëanshme atëherë do e kthejë për rishikim, por nuk mund të bëjë më shumë se kaq. Meta tha se nëse nuk ka konsensus për reformën nuk ka as integrim.

"Ju keni kuptim se çdo të ndodhë me ndryshimet në Kodin zgjedhor. Atëherë duhet të keni të qartë, sikur u kam thënë vjet se nëse nuk do të bëhen zgjedhje lokale gjithëpërfshirëse Shqipëria do të ngelë në klasë dhe mori në qafë Maqedoninë. Shpresoj shumë se ka një progres për këshillin polik dhe mesi po pres të duartrokas këtë konsensus. Kudo që të jem do të kthehem menjëherë që të firmosë konsensusin e tyre dhe të lajmërojë të gjithë botën e kjo është një arritje shumë e madhe. Nëse palët nuk bien dakord do të shoh se si do miratohet në mënyrë të njëanshme apo është në përputhje me Kushtetutën, me rekomandimet mundësia ime është veta ta kthejë njëherë për reflektim, por kaq, por se si veprojnë nuk është më në dorën time. Por nëse është me konsensus që të gjithë mezi po e presin dhe dy ditë kanë ngelur por dhe në mënyrë të njëanshme nuk do të habitesha. Nëse kodi nuk miratohet me konsensus zero hapej negociatash me BE, jo deri në zgjedhjet që vijnë por edhe pas zgjedhjeve që vijnë , nja 5 vite të paktën i kemi të humbura. Përgjegjësia është e palëve që bëjnë këto gjëra.", tha Meta

Presidenti Meta tha se përpjekjet e tij për të ecur para me integrim u minuan dhe se tashmë nuk do të merret më me Tiranën Politike por do i përkushtohet qytetarëve.

"Kam bërë përpjekje të qartë për të ecur bashke në procesin e integrimit të Shqipërisë me kërkesat që paraqita javën e kaluar që ta gjente vendin më të bashkua, por këto përpjekje u minuan dhe secili ke të mbajë barrën e veprimeve të tyre. Unë do të kalojë më pak kohë me Tiranë politike dhe do i kushtojë më shumë kohë qytetarëve", tha Meta.

Presidenti Ilir Meta tha se ka rëndë dakors me Europa Nostra që të niset një hetim ndërkombëtar për shembjen e teatrit kombëtar.

"Kam zhvilluar një bashkëbisedim me Europa Nostra që i falenderova për promovimin e ruajtjes së kulturës tonë dhe ramë dakord për hetim ndërkombëtar për shembjen e teatrit dhe vijuar bashkëpunimin dhe për shumë çështje të  tjera me trashëgimin tonë kulturore si pjesë e trashëgimisë europiane", tha Meta.