Meta kundër ndërtimit të HEC-eve në Vjosë: Çdo qëndrim kokëfortë s’do i shërbente të ardhmes drejt BE-së, të shpallet Park Kombëtar! (VIDEO)

TIRANË- Presidenti Ilir Meta është shprehur kundër ndërtimit të HEC-eve në lumin Vjosë, teksa ka kërkuar që të shpallet Park Kombëtar.

Gjatë fjalës së tij në tryezën me temë “E ardhmja e Lumit Vjosa", Meta shtoi se "çdo  qëndrim kokëfortë s’do i shërbente të ardhmes së vendit dhe rrugës drejt BE-së". Ai i bëri thirrje qeverisë të reagonte, pasi po cënohet integrimi në BE.

“Lumi Vjosa është një pasuri natyrore për vendin. Ndërtimi i HEC-eve në shkallë të gjerë dhe hapësirat jo miqësore dhe armiqësore në zonat e gjelbrta, s’mund të jetë në rrugë e blertë për zhvillimin e vendit. Shkencëtarët këmbëngulin se HEC-et shkaktojnë dëme në sipërfaqet e ujërave, deri në ashpërsimin e klimës deri në ngrohjen globale. Shqetësim bën dhe cilësia e hartimit të raporteve për ndikimin në mjedis të HEC-eve. Ato shpesh përgatiten në tavolinë në mënyrë të shpejtë dhe shpesh miratohen ato që do qeveria dhe koncesionari. Këto ditë jam vënë në dijeni për një letër të hapur nga komuniteti europian për një shqetësim për HEC-et. Çuditërisht këto kambana nuk dëgjohen. Shteti shqiptar duhet të ruajë vlerat e natyrës dhe të shëndetit të njeriut. Do të mbështesja ndalimin e digave mbi Vjosë dhe shpalljen e saj Park Kombëtar. Çdo qëndrim kokëfortë s’do i shërbente të ardhmes së vendit dhe rrugës drejt BE-së. Çdo shqiptar duhet të shkojë në lumin Valbonë, që është për të vënë duart në kokë me atë çka është bërë”, tha Meta.

B.K./b.ha./Shqiptarja.com
  • Sondazhi i ditës:

    Raporti i OSBE-ODIHR për zgjedhjet e 25 prillit:

Komento

Komente

  • Tekniku: 24/09/2020 20:03

    Po te ofroj 700.000€ ma jep lejen

    Përgjigju


×

Lajmi i fundit

John

Gazetari zbulon gafën e gjyqtarit për vendimin mbi Fatmir Mediun: Nuk i është referuar Kodit të ri Penal që është ndryshuar në 2017