Duke e cilësuar pandeminë si provën më të madhe të dështimit të qeverisë, kreu i Partisë së Lirisë e ka cilësuar shëndetësinë si një ndër arsyet e shpopullimit në vend. Ish kreu i shtetit tha se me ardhjen në pushtet të çiftit Berisha-Meta do të ketë financim me 5% të prodhimit të brendshëm bruto në sistemin shëndetësor. Meta u shpreh gjithashtu se do të ketë një rritje me 50% për stafin mjekësor, duke bërë të mundur ndalimin e emigracionit të ‘bluzave të bardha’. Meta gjithashtu ka premtuar barna falas për pensionistët.
Ish kreu i shtetit ka akuzuar qeverinë se ka falsifikuar shifrat e viktimave gjatë pandemisë, kanë rrënuar ekonominë e shqiptarëve. Megjithatë ai e gjen zgjidhjen e kësaj hallke të madhe tek zgjedhjet e 14 majit.
“Duhet të vendosim zemrën në qendër të vendimeve të marrim. Të mendojmë jo si vendimmarrës por si njerëz që kanë një problem shëndetësor dhe që kërkojnë një zgjidhje nga shteti i tyre. Të gjithë e dimë sesa i rëndësishëm është shëndeti. Lekët janë për shëndetin, edhe një familje i gjen jo më një shtet. Coidvi që kaluam e testoi sistemin tonë shëndetësor por edhe për vendet përreth. Tregoi që ne kemi mjekë të jashtëzakonshëm që bënë maksimumin, u sollën si heronj për muaj të tërë dhe një pjesë e tyre madje humbën edhe jetën. Kjo ndodhi se u vunë interesat politike para zgjidhjeve shkencore. Ndërkohë që pesha e shpenzimeve të familjeve shqiptare u rritën dhe të ardhurat ranë. Shëndetësia ishte dhe është në kolaps të frikshëm për shkak të politikës aventureske, u falsifikuan shifrat e të vdekurve. Ne ishim një ndër vendet me koston më të lartë të humbjes së jetës.”- tha Meta.
Rritja e pagave për mjekët ka qenë gjithashtu një premtim i kryeministrit Rama. Pak ditë më parë teksa inauguroi spitalin e ri infektiv ai tha se rritja e pagës të shkojë në 100% që nga viti 2013, ndërsa premtoi mbrojtjen e qytetarëve e bizneseve të vogla nga rritja e çmimit të energjisë elektrike. Të gjithë këtë, kryeministri e siguroi si synim brenda mandatit të tij.
Kreu i PL-së, Ilir Meta është shprehur se me ardhjen në pushtet do të ketë rritje të menjëhershme me 50% për bluzat e bardha. Ai u shpreh se do të ketë një financim me 5% nga GDP.
“Do të angazhohemi për një rritje 50% të menjëhershme për bluzat e bardha me synimin për ta dyfishuar nivelin e pagave në shëndetësi. Kjo është emergjente pasi do na ikin të gjithë. Ky është kërcënim shumë serioz për të ardhmen e vendit, për shëndetin e qytetarëve tanë. Gjithashtu synojmë financim me 5% të sistemit të shëndetësisë.
Rritja e buxhetit të shëndetësisë në të paktën 5% të GDP, që do të arrinte nivelin mesatar të vëndeve të Ballkanit, është detyrim përpara qytetarëve tanë.
Mundësitë për ta arritur një objektiv të tillë janë aty dhe largimi i kësaj qeverie e bën të realizueshëm këtë objektiv kaq të madh.
Ky financim deri ne 5% te GDP i jep realisht frymëmarrje sistemit shëndetësor, frenon ikjen e mjekëve dhe infermierëve, rrit cilësinë dhe u jep shqiptarëve sistemin shëndetësor, që ata meritojnë dhe për të cilin kontribuojnë aq shumë me taksat, me djersën dhe me mundin e tyre."- tha Meta.
Komente
Lajme të tjera
-
Ylli Pata: Pse opozita nuk ka fituar pikë nga hetimet e SPAK?
26 Dhjetor, 19:48
-
Rrogat ulen te privati, 354 mijë s'arrijnë pagën mesatare! Eksperti: Punonjësi shihet si kosto e jo investim
22 Dhjetor, 14:25
-
Bilanci i 5 vite SPAK: 61 zyrtarë të lartë nën akuzë, Berisha e Meta, 'Vipat'! U sekuestruan 182 mln euro të krimit e korrupsionit
19 Dhjetor, 16:59 -
Namir Lapardhaja: Unë jam Zoti juaj më i lartë!
19 Dhjetor, 09:16
-
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30 -
Sulmet e Berishës ndaj Dumanit, Idajet Beqiri: Është në pozitë të vështirë! Saliu mund të prish provat pas lirimit nga 'arresti shtëpiak'
17 Dhjetor, 19:26 -
2024-a 'bilanc' negativ/ 1 në 4 biznese nëndeklaruan pagat! Gjysma e të punësuarve marrin deri në 2300 lekë në ditë
17 Dhjetor, 16:05
-
Nënës së Kryemadhit i kthehet vila te ‘Kodra e Diellit’, Apeli i GJKKO lë në fuqi sekuestron e banesës vetëm për deputeten e PL
17 Dhjetor, 11:29 -
Meta: Gjykata Kushtetuese në krizë, narkoshteti po shkatërron sovranitetin e popullit
16 Dhjetor, 20:57 -
Iu sekuestruan vilat, Kryemadhi me bastun në Apelin e GJKKO: Më thanë dil nga shtëpia, do jetoj në çadër
16 Dhjetor, 12:45 -
Blushi nga Fieri: Rama 'babai' i korrupsionit, Balluku duhet të ishte në burg! Meta u arrestua sepse i denoncoi, SPAK në kontroll të kryeministrit
15 Dhjetor, 19:31 -
PL: Arrestimi i Metës do të çohet në Strasburg! U izolua padrejtësisht për të mos thënë të vërtetat
14 Dhjetor, 15:30
