POP 5

Lajmet më të lexuara të 5 minutave të fundit

Politikë

Meta nderon 'Shoqatën dibrane' dhe jep mesazh të koduar: Më mirë të rritet mali, se sa të zbresë...

Presidenti Ilir Meta ka vlerësuar me titullin “Kalorës i Urdhrit të Skënderbeut” Shoqatën “Bashkësia Dibrane” dhe disa personalitete të shquara të kësaj treve. 

Meta nderon 'Shoqatën dibrane' dhe jep mesazh të koduar: Më mirë të rritet mali, se sa të zbresë...

TIRANË- Presidenti Ilir Meta ka vlerësuar me titullin “Kalorës i Urdhrit të Skënderbeut” Shoqatën “Bashkësia Dibrane” dhe disa personalitete të shquara të kësaj treve. Në një ceremoni të zhvilluar në ambientet e Presidencës, Meta ka vlerësuar këtë shoqatë për kontributin e shquar dhe atdhetar në ruajtjen, kultivimin dhe promovimin e traditës dibrane, në veçanti të vlerave të Dibrës së Madhe, si dhe bashkësisë tradicionale dibrane në Tiranë.

Për shqiptarët Dibra është shumë e shtrenjtë. Sepse mbijetesa e dibranëve është e lidhur ngushtë me mbijetesën e gjithë kombit shqiptar.

"Kjo qëndresë e përbashkët i ka rrënjët tek shkalla e lartë e atdhedashurisë, solidariteti, sakrifica, përkushtimi dhe kontributi i gjithë brezave dibranë ndër shekuj. Ata janë ndjerë përherë ballëlart dhe krenarë para historisë, sepse nuk ka etapë të luftës për liri të kombit shqiptar që ata të mos kenë gjurmët e kontributit të tyre", tha Meta.

Në fjalën e tij nuk kanë munguar edhe mesazhet e koduara.

"Malet e Dibrës ngelën përherë bastioni dhe barrikadat e para të betejave për liri e pavarësi. Ndaj dhe unë jam shumë i lumtur që u ngjita në majën e Korabit, ku mësova se maja më e lartë është 2764 metra, dhe jo 2751 metra. Korabi ishte “rritur” dhe kjo është shenjë e mirë. Më mirë të rritet mali se sa të zbresë, aq më tepër për ne që e kemi origjinën nga trevat malore dhe që shpesh urojmë: "Malet tona më të larta", tha kreu i shtetit.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • zzz: 14/09/2019 12:25

    Tani qe ka mesu mesazhet e koduara nuk ndalet se theni zhevahire, eshte mire ti permbledhe keto mesazhe ne nje liber per te konkuruar "kurbanin" dhe ne fund te cdo xhevahiri te nxjerre nga bytha te vere dicituren kush thyen kodin dmth kush zbulon qellimin apo mendimin e fshehte qe ka presidenti do shperblehet me nje lingote florini.

    Përgjigju
  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

VIDEO/ Roma fiton 2-0 derbin kundër Lazios, futbollistët përleshen në 'Olimpico'

VIDEO/ Roma fiton 2-0 derbin kundër Lazios, futbollistët përleshen në 'Olimpico'

5 Janar, 22:40