Meta në Strasburg, pritet të takojë drejtuesit e Kongresit të Autoriteteve Vendore

Presidenti i Republikës, Ilir Meta, ka mbërritur në Strasburg. Kreu i Shtetit pritet të takohet me drejtues të Kongresit të Autoriteteve Vendore, që njihet edhe si një nga organizatat më të mëdha për vëzhgimin e zgjedhjeve.

Kujtojmë  se pak ditë para zgjedhjeve të 30 qershorit, ky Kongres anuloi misionin e vëzhgimit në Shqipëri për zgjedhjet lokale.

Kujtojmë se Kongresi i Autoriteteve Vendore i Këshillit të Europës, vendosi të tërhiqej nga misioni i vëzhgimit të zgjedhjeve për shkak të paqartësisë lidhur me organizmin e tyre.

Selia e kësaj organizate ndërkombëtare, pjesë e së cilës është edhe Voltana Ademi, ndodhet në Francë dhe nuk ka asnjë lidhje institucionale as me Komisionin e BE, as me Këshillin Europian që janë organizmat zyrtare të Bashkimit Europian. 

Pavarësisht tërheqjes së këtij Kongresi , zgjedhjet në Shqipëri u monitoruan nga ndërkombëtarët dhe OSBE/ODHIR, ku raporti i këtyre të fundit deklaroi se zgjedhjet lokale të 30 qershorit ishin legjitime, pavarësisht disa problematikave të krijuara nga bojkoti i opozitës.
 

TAG:
• Ilir Meta
• Presidenti
• Strasburg
• kongresi vendor i KE