Meta nga Elbasani, paralajmëron policinë dhe prokurorinë: Të rritet gatishmëria, përgjegjësia do të jetë e jashtëzakonshme nëse ndodh ndonjë incident (VIDEO)

Presidenti Ilir Meta është sot i pranishëm në Elbasan ku po vëzhgon nga afër procesin e votimit, nga ku ka paralajmëruar Policinë e Shtetit dhe Prokurorinë se do të mbajnë përgjegjësi "të jashtëzakonshme" në rast se do të regjistrohet ndonjë incident.

"Barazia e votës na garanton paqen sot dhe për 100 vite të vijnë. Presidenti është garanti i mbrojtjes së Kushtetutës kështu që Presidenti përqafon qytetarët që kanë votuar deri më tani, i fton të gjithë të votojnë për alternativën që ata duan të lirë, jashtë çdo presioni. Jam shpresëplotë që pjesëmarrja do të jetë historike. Për hetimin e ngjarjes tragjike do merrem personalisht në ditë që vijnë. Ftoj Policinë e Elbasanit që të ndalojë personat e përfshirë në atë ngjarje dhe ndërkohë të rritet gatishmëria për çdo veprim që do dëmtonte atmosferën sot sepse përgjegjësia do të jetë e jashtëzakonshme sidomos për Policinë e Shtetit dhe Prokurorinë nëse ndodh ndonjë incident. Kam marrë sigurinë nga Gazment Bardhi që do të bëjë më të mirën për mbarëvajtjen e këtij procesi. Ftoj qytetarët e Elbasanit që të shkojnë te kutia e votimit dhe të votojnë të lirë jashtë çdo presioni që mund t'i jetë bërë deri dje", tha Meta.

 

LEXO EDHE:
Dhunë në Këshillin Bashkiak të Tiranës, Tedi Blushi godet me grusht Halit Valterin, i hedh dosjen me letra Veliajt, shoqërohet në polici! Kryebashkiaku: Rrugaçi i fundit i Metës (VIDEO)

Lajmi kryesor:

Meta: Sondazhet kanë prapavijë partiake, ju do të argëtoheni me to në fund të procesit

/b.ha./Shqiptarja.com

TAG:
• Elbasan
• Tirane
• Ilir Meta
• Durres
• Fier
• vore
• zgjedhjet parlamentare 2021
• Sot Shqiperia voton