TIRANË- Sekuestrimi i pasurive marramendëse të Yllit Ndroqit, pronarit të televizionit "Ora News", është parë nga Presidenti Ilir Meta si censurë dhe presion ndaj medias së pavarur dhe kritike me qeverinë. Edhe pse pa përmendur askund emrin e Ylli Ndroqi, i arrestuar në Itali e Turqi për trafik heroine, presidenti Meta thekson se ka një përkeqësim të situatës në Shqipëri gjatë dy viteve të fundit, ku pushteti politik është shumë influencues.
Duke iu referuar Raportit të "Qendrës për Pluralizëm dhe Liri Mediatike", Meta apelon me forcë praktikat abuzive medias së pavarur e kritike me qeverinë duke theksuar se liria e shprehjes dhe informimit është kusht thelbësor për çeljen e negociatave me Bashkimin Europian.
"Reagim i Presidentit të Republikës, Sh.T.Z Ilir Meta për situatën aktuale të lirisë së medias në Shqipëri Faktet tronditëse të censurës dhe presioneve në rritje ndaj medias së pavarur dhe kritike me qeverinë, që po konstatohen çdo ditë dhe po denoncohen periodikisht nga organizata prestigjoze ndërkombëtare, janë tepër alarmuese dhe kërkojnë një përgjigje të menjëhershme. Raporti i Qendrës për Pluralizëm dhe Liri Mediatike, me fokus sistemin dhe lirinë e mediave në vendet anëtare dhe kandidate të Bashkimit Europian, vëren stanjacion ose përkeqësim të situatës në Shqipëri gjatë dy viteve të fundit. Studimi thekson se pushteti politik në vend është tejet influencues, duke rezultuar në media jo të pavarura apo mediume që mbështetin partinë në pushtet dhe kërcënojnë autonominë e vet. Me shkallën nga 0 në 100, rreziku për televizionet paraqitet i mesëm, ndërsa për portalet në internet, rreziku sipas konkluzioneve, rritet në shkallën sipërore për shkak të ndikimit më të fortë politik, mungesës së transparencës për sa i përket reklamave dhe kandidatëve politikë gjatë fushatave elektorale. Tepër alarmant është përfundimi se "për sa i përket mbrojtjes themelore të pluralizmit, mediat shqiptare paraqiten në rrezik të mesëm, apo 53%, rreziku i pluralizmit të tregut mediatik klasifikohet tepër i lartë në 80%". Përkeqësimi në Indeksin Botëror të Lirisë së Medias, i bërë publik në raportin vjetor të "Reporterëve pa Kufij" ku theksohej se pasojat e rënda të fatkeqësive natyrore nuk mund të justifikojnë cenimin e lirisë së medias; Qëndrimi i Departamentit Amerikan i Shtetit, ku ndër të tjera tërhiqej vëmendja se “veprimet e qeverive kundër epidemisë së COVID-19, nuk duhet të përdorin sëmundjen si pretekst për shtypjen e personave ose ideve”, konkluzionet e "Freedom House" dhe shqetësimet e bëra publike nga organizatat më prestigjoze botërore e europiane të gazetarëve, dëshmojnë se Shqipëria po shënon seriozisht hapa pas, për sa i përket lirisë së medias dhe transparencës. Ky regres është thellësisht shqetësues dhe i patolerueshëm! Për shkak se liria e shprehjes dhe informimit është kusht thelbësor për çeljen e negociatave me Bashkimin Europian, dhe duke dënuar me forcë censurën, presionet, shantazhet dhe masat shproprocionale ndëshkuese ndaj gazetarëve dhe medias së pavarur e kritike me qeverinë, apeloj me forcë heqjen dorë nga të gjitha praktikat abuzive dhe autoritariste që na kthejnë dekada pas në kohët më të errëta, me pasoja tepër të rënda për të ardhmen europiane të vendit. Inkurajoj gazetarët kritikë të vijojnë pa u trembur misionin e tyre, dhe i ftoj organizatat prestigjoze botërore të medias të monitorojnë edhe me më shumë vëmendje situatën e kolegëve të tyre në Shqipëri. Shqiptarët janë ndarë 30 vite më parë nga neni 55 i "Agjitacionit dhe Propagandës" dhe askush të mos mendojë që duke përdorur forma të reja shantazhi e presioni do mundet dot ta rikthejë atë", shkruan Meta.
Policia e shtetit ka zbardhur dosjen e hetimeve 18 mujore të kryera ndaj biznesmenit Ylli Ndroqi dhe pasurive të pajustifikuara që ai disponon ditën e sotme, pasuri këto të sekuestruara me vendim të SPAK. Sekuestrimi i pasurisë së Ylli Ndroqit ditën e djeshme nga SPAK solli reagimin edhe të Bashës, i cili u vu në mbrojtje të gazetarëve duke mos e përmendur fare pronarin.
Komente
Lajme të tjera
-
Kosova dhe Shqipëria me ekipe të përbashkëta hetimore, Dumani dhe Isufaj firmosin marrëveshjen
24 Dhjetor, 12:52 -
I kallëzuar për 'shpërdorim detyre', shkarkoi drejtorin e UKSH në 2022! Ish-kryebashkiaku i PD në Shkodër, Bardh Spahia 1 orë në SPAK: S'ka lidhje me krimin, as korrupsionin (VIDEO)
24 Dhjetor, 09:54 -
Tjetërsimi i 66 mijë m2 tokë te Rana e Hedhun, Apeli i GJKKO dyfishon dënimin për ish-kryebashkiakun Frrokaj! Do kthehet në qeli, do vuajë 2,8 vite burg (VENDIMI)
23 Dhjetor, 14:15 -
Koncesioni i sterilizimit/ SPAK pranon kërkesën e GJKKO, rëndon akuzat për Beqajn, Rjepajn e Rrapajn! Avokatët kërkojnë kohë
23 Dhjetor, 10:59
-
Tiranë/ Akuzohet nga SPAK për deklarim të rremë, shtyhet përsëri seanca paraprake në GJKKO për Asllan Dogjanin! Solli raport mjekësor
23 Dhjetor, 10:13
-
Tiranë/ Për të dytën herë SPAK kërkon pushimin e çështjes për Selim Çekajn, akuza për përfshirje në trafik droge nuk vërtetohet! Gjykata shtyn vendimin
23 Dhjetor, 10:07
-
Simon Hadaj: Çfarë di Dumani që e tmerron Sali Berishën?
22 Dhjetor, 18:11
-
Mero Baze: Pse Flamur Noka po betohet se 'nuk merret peng'?
21 Dhjetor, 20:38
-
'Djathtas 1912' partia e parë që deklaron votën: Jemi pro zgjatjes së mandateve të prokurorëve të SPAK! 70% e qytetarëve e mbështesin, i vetmi që lufton korrupsionin
21 Dhjetor, 18:00 -
Ish-gjyqtarja Fetahu i kërkon nga qelia Gjykatës së Lartë rrëzimin e masës ‘arrest në shtëpi’ të vendosur ndaj saj në gusht
21 Dhjetor, 17:27 -
Paralajmërimi i Bashës për opozitën: Koha na dha të drejtë, pazari Rama-Berisha për të mbrojtur pandëshkueshmërinë, ishte mesazh kundër SPAK
21 Dhjetor, 16:57 -
Tentuan vrasin të "fortin" e Vlorës/ SPAK kërkon 11 vite burg për Luzin dhe Koroveshin! 2 vite e 9 muaj për Amarildo Nikollin
21 Dhjetor, 14:17
Policia dhe SPAK thon qe nuk justifikon pasurin ky zoteria.Nderkoh thot qe esht arrestuar ne dy shtete per trafik heroine.Cfar duhet te justifikoj tjeter ky kur ate pasuri e ka ven me trafik heroine.Po ta kishte ven me banane do ishte arrestuar per trafik bananesh.Nje trafikant duhet te jet ne burg e jo miliarder i lir.
PërgjigjuTe ka zene frika o Like Floriri
PërgjigjuPasurite e kriminelve qe jane perkrahur nga politika jane prove e fuqishme dhe dihen nga te gjithe.Ndoshta SPAK do merret me to.
PërgjigjuJa ku dolen "pronaret" reale qe qendrojne pas Ylli Ndroqit, Saliu dhe Metà.
PërgjigjuVon e kuptove shoku lio