Meta quajti Bashën thjesht deputet, Bardhi: Gjuha e Foltores e padenjë për Presidentin

Presidenti Ilir Meta e quajti Lulzim Bashën thjesht si një deputet, njësoj si Sali Berisha e përgjigja e PD-së zyrtare nuk ka vonuar. Është Sekretari i Përgjithshëm, Gazment Bardhi i cili thotë se Meta foli me gjuhën e 'Foltores' e ndërsa këmbëngul në argumentin e tij se nuk e mbajti premtimin për t’i shkuar deri në fund të vërtetës kushtetuese për zgjedhjet lokale të 30 Qershorit 2019.

" Një sulm më shumë, një sulm më pak nga Ilir Meta nuk ndryshon asgjë në raport me të vërtetën. Presidenti nuk e mbajti premtimin për t’i shkuar deri në fund të vërtetës kushtetuese për zgjedhjet lokale të 30 Qershorit 2019. Ai nuk iu drejtua Gjykatës Kushtetuese për të provuar se kishte të drejtë për shtyrjen e zgjedhjeve. Gjuha e Foltores nuk mund të jetë kurrë gjuhë e institucionit të Presidentit, pavarësisht halleve të përbashkëta të Ilir Metës, Edi Ramës dhe Sali Berishës. Duke i uruar punë të mbarë Presidentit të Republikës, i sugjeroj lexim të kujdesshëm të vendimit të Gjykatës Kushtetuese", shkruan Bardhi.

LEXO EDHE:
Riorganizimi i Partisë së Lirisë, anëtarja e Komitetit Drejtues shpall kandidaturën për zv.presidente! Në garë me Erisa Xhixhon, të besuarën e Metës

Lajmi kryesor:

Vendimi i Kushtetueses për 30 qershorin, Meta i drejtohet Bashës dhe Bardhit me gjuhën e Berishës: Stop gënjeshtrave të deputetëve

B.K./Shqiptarja.com

TAG:
• gazment bardhi