Meta: Rama vazhdon të japë miliona për koncesionet! Situata është  e rëndë edhe në dogana e tatime

 

Ilir Meta tha sot se edhe pse vendi është në situatë të rëndë ekonomike qeveria vijon jep miliona për koncesionet.

“Qeveria nuk ngurron të vazhdojë të paguajë miliona euro për inceneratorët, koncesionet grabitqare, tenderat me dhjetëfishin e çmimit dhe të marrë borxhe të njëpasnjëshme për të mbështetur oligarkët dhe klientët e saj fitimprurës. Situata tepër e rëndë që ka kapluar shtetin dhe në mënyrë të veçantë sektorët që lidhen me krijimin e të ardhurave, provohet edhe nga skandalet më të fundit në një sektor shumë delikat, siç janë doganat shqiptare ku situata paraqitet realisht skandaloze. Drejtimi i Doganave me kontrabandistë që do të luftojnë gjoja kontrabandën, nepotizimi flagrant në administratën e këtij sektori, me familjarë nga më të afërt, me fëmijë, burra, dhëndurë, në konflikt të hapur interesi, si dhe abuzimi me të ardhurat shtetërore ku sipas raportimeve në media, në çdoganime të caktuara, shtetit i humbasin deri në 80% të të ardhurave, tregon qartë që çdo sektor i qeverisjes është kthyer në një burim abuzimi, përfitimesh private dhe të paligjshme.

LEXO EDHE:
Duka kundër Berishës e Metës për sulmet ndaj drejtësisë: I thonë SPAK-ut, ‘skap’, koha e  pandëshkueshmërisë ka ikur! Mbështes propozimet e Bashës për zgjedhoren

Kjo Qeveri që vetëm vjedh dhe grabit qytetarët përditë, duke ja u bën të pashpresë të ardhmen, është edhe arsyeja pse të dhënat më të fundit të EUROSTAT, raportojnë jo vetëm dyfishimin e kërkesave për azilkërkim në vitin 2022, por edhe një rritje prej 108% të kërkesave për periudhën janar-maj, krahasuar me 5 mujorin e parë të vitit të kaluar”, tha Meta.

Lajmi kryesor:

Partia e Lirisë është e majtë apo e djathtë? Ilir Meta pa përgjigje: Është patriotike dhe ultra demokratike! Lulushi, aleancë me Ramën që në 2014-n

K.T./Sh.Sh/Shqiptarja.com

TAG:
• Partia e Lirise
• Ilir Meta