POP 5

Lajmet më të lexuara të 5 minutave të fundit

Ekonomi

METE përplaset me Metrologjinë
për subjektet e gjobitura si vjedhës

Sipas Enno Bozdos, zv.ministër i METE-s, Metrologjia nuk ka pengesë për të bërë publike emrat e vjedhësve të karburantit. Berisha kishte kërkuar ndryshim të ligjit, me një Akt Normativ, por ministria gjykon se kjo është e tepër.
METE përplaset me Metrologjinë<br />për subjektet e gjobitura si vjedhës
TIRANE - Ministria e Ekonomisë ia “le në derë” Metrologjisë fajin për mospublikimin e emrave të subjekteve të shitjes me pakicë të karburanteve, pas reagimit të opinionit lidhur me mungesën e transparencës për firmat e gjobitura në shkelje të ligjit. Një reagim në këtë drejtim, madje, pati edhe kryeministri në ikje Sali Berisha, në mbledhjen e një jave më parë të qeverisë, i cili arriti deri aty, sa të kërkojë ndryshim të ligjeve që pengojnë nxjerrjen publikisht të emrit të subjekteve që mashtrojnë qytetarët, duke u hedhur në serbator të makinës më pak karburant se sa kanë paguar.

Dje, në një prononcim për median, ministria e Ekonomisë ka deklaruar se projekt-akti normativ ishte përgatitur nga Drejtoria e Përgjithshme e Metrologjisë, por, pas konsultimeve të gjëra juridike, METE mendon se nuk është i nevojshëm një akt i tillë “përsa kohë ekziston e gjithë hapësira ligjore që Drejtoria e Përgjithshme e Metrologjisë të bëjë publike rezultatet e inspektimit të saj”. Për më tepër, sipas zëvendësministrit Enno Bozdo, Ligji për Metrologjinë shpreh qartë detyrimin e DPM-së të publikojë të dhëna inspektuese atëherë kur preken interesat e konsumatorit.

Ky qëndrim zyrtar i Ministrisë së Ekonomisë, Tregtisë dhe Energjetikës i është përcjellë dje Drejtorisë së Përgjithshme të Metrologjisë, si dhe në të njëjtën kohë është vënë në dijeni edhe kryeministri, tha ai. Në një deklaratë për shtyp, e dyta e këtij lloji, drejtoresha e këtij institucioni, Kozeta Mesiti, pranoi, disa ditë më parë, se nga kontrollet e bëra janë konstatuar vjedhje nëpërmjet manipulimit të aparateve matës.

Por, edhe përpara një situate të vjedhjes flagrante dhe të një vepre penale të dënueshme penalisht, Mesiti dhe institucioni që ajo drejton nuk pranoi të japë informacion se për cilat subjekte bëhej fjalë. Qytetarët në rolin e konsumatorit kanë të drejtën e pacënueshme dhe të mbrojtur nga ligjet në fuqi për t’u informuar, ç’ka në rastin më të keq e bën DMP-në palë me shkelësit e ligjit që vjedhin dhe grabisin hapur qytetarët.

“Çdo qytetar le ta marrë vesh se kush i bën hile dhe kush nuk i bën hile. Kjo qenka shumë interesante. Ai merr dhe përzien naftën me naftë pusi dhe në do t’i themi prit se e ruajmë ne sekretin. Jo, nuk do të ketë asnjë sekret”, tha Berisha. Në se ekziston ndonjë pengesë ligjore, do të bëhet një akt normativ sot për të hequr çdo pengesë ligjore, shtoi ai.

Shkrimi u botua sot në gazetën Shqiptarja.com (print) 04.09.2013
 
Redaksia Online
(b.m/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça