POP 5

Lajmet më të lexuara të 5 minutave të fundit

Kultura

‘MIK Festival’, 4 netë muzikë dhe balet në Korçë, Inva Mula: Ka në vetvete të gjitha zhanret, ka shumë ngjyra

Ka nisur në Korçë "Mik festival" nën drejtimin e sopranos së njohur Inva Mula. Festivali do të zgjasë 4 ditë me interpretimin e artistëve të njohur vendas e të huaj si sopranoja Emilie Rose Bry , këngëtarja Elina Duni, Ilir Shaqiri në balet e shumë të tjerë.

Sopranoja Inva Mula ka rikthyer në Korçë "MIK Festival”, i cili çeli siparin mbrëmjen e së premtes në teatrin “Andon Zako Çajupi”  me tingujt e muzikës klasikë dhe muzikës së lehtë shqiptare.

Në natën e parë të festivalit sopranos të njohur Inva Mula, iu akorduar titulli “Qytetare Nderi” e Korçës.

"Doja ta fillonim mbrëmjen me muzikë klasikë, pavarësisht se ky festival ka në vetvete të gjitha zhanret, ka muzikë popullore, muzikë pop, ka shumë ngjyra, por do ta nisim me pjesë të kompozitorëve që nuk i kemi dëgjuar në teatrin e Korcës", tha Inva Mula.

Pianisti i talentuar Eklant Hasa dhe sopranoja franko-amerikane Emilie Rose Bry interpretuan në natën e parë, ndërsa performancat u shoqëruan nga orkestra e Harqeve të drejtuar nga mjeshtrja Suzana Turku.

"Mik Festival" do të mbahet në 4 vende të ndryshme,  teatri “Andon Zako Çajupi”, Hani i pazarit të vjetër, Shtëpia muze e Sterjo Spases dhe ishulli i Maligradit në Pustec. Përveç edukimit me muzikë të bukur, MIK Festival ka për qëllim dhe promovimin e turizmit në juglindje. 

S.C/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

25 Prill, 01:01