Milanin e përndjek fati i keq i dëmtimeve. Në fillim të edicionit të ri, Milani nuk ka në dispozicion disa nga futbollistët më kryesor si Rikardo Kaka, Montolivio, por edhe Andrea Poli. Braziliani Kaka ka pësuar një dëmtim në kavilje, cka do ta mbajë jashtë fushës së blertë për afro një muaj.

Dëmtimi ka alarmuar ekipin e Milanit, pasi të gjitha shpresat për edicionin e ri ishin të varura te fantazisti në të gjitha kompeticionet duke u cilësuar si blerja më e goditur. Por përvec tij do të mungojnë edhe Montolivio dhe Poli, përsëri për shkak të dëmtimeve që kanë pësuar duke krijuar emergjencë te Milani.

Edhe Fiorentina është prekur nga dëmtimet, pasi Mario Gomez është dëmtuar duke rrezikuar 3 muaj të qëndrojë jashtë fushës së blertë. Tani ekipi duhet të mendojë për zëvendësuesin, emri i parë në listë është ai i ish sulmuesit të Lazios dhe Interit, Tommaso Rocchi.


d.b/shqiptarja.com