Milan i komplikon 'jetën', titulli i Interit 'peng' i Torino-s! Sonte Barcelona llogarit 3 pikë për Champions-in

Milan i komplikon 'jetën', titulli i Interit 'peng' i Torino-s! Sonte Barcelona llogarit 3 pikë për Champions-in

Inter, kampionia në fuqi e Seria A, do të luajë sonte një ndeshje delikate në transfertë kundër Torinos, pasi çdo rezultat tjetër përveç fitores do ta komplikonte shumë objektivin titull. Pas fitores 1-0 kundër Empolit Milan udhëheq kampionatin me 5 pikë më shumë se Interi, por nëse zikaltërit i rikuperojnë me sukses dy ndeshjet që kanë më pak se kuqezinjtë atëherë rikthehen në krye. Por për këtë nuk pritet të jetë e lehtë.

Inter ka 3 ndeshje që barazon jashtë fushës së saj dhe nëse sonte ndodh e katërta me Torinon atëherë klubi do kthehej 18 vite më pas, në 2004 kur trajner ishte Mancini. Gjithashtu për t’ia dalë Inzaghi duhet t’ia bëjë pa lojtarin themelor siç është Brozovic, i cili u dëmtua në mesjavë kundër Liverpool në Champions League.

Zikaltërit kundër Torinos i favorizon historia, pasi në 5 ndeshjet e fundit kanë fituar gjithmonë. Në 17 ndeshje të luajtura si pritëse Torino ka fituar vetëm 2, ka barazuar 3 dhe ka humbur 12 në favor të Interit. Sakaq Torino nuk ka asnjë fitore në 6 ndeshjet e fundit në kampionat, por pavarësisht kësaj renditet në mesin e artë të tabelës.

Po sonte ndërkohë, në orën 21:00 Barcelona pret në Camp Nou Osassuna-n për të siguruar një vend në mesin e katër më të mirave në kampionat. Premisat janë të mira për katalanasit, pasi aktualisht renditen në vendin e katërt dhe kanë dy ndeshje më pak se rivalët. Në rast se i fiton vendi i tretë do ishte i sigurtë.

Të besuarit e Xavi-t kanë 3 fitore radhazi në kampionat dhe duke parë urinë e katërta duket se është rrugës.

 

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Reforma territoriale, mendoni se ndarja aktuale në 61 bashki është në rregull?



×

Lajmi i fundit

John

Zjarret në vend, Ministri i Mbrojtjes: Do jetë verë e nxehtë! Ne kemi shpërndarë për bashkitë 10 mln dollarë këtë vit