Milan ka pësuar humbjen e parë në kampionat në javën e 13 të Seria A, pasi Fiorentina e mposhti 4-3. Dancun, Saponara dhe Vlahovic i dërguan shifrat në 3-0 para se ‘dopieta’ e Ibrahimovic të ngushtonte 3-2. Atëherë kur pritej barazimi serbi Vlahovic shënoi të katërtin për Fiorentinën, ndërsa një autogol i Venuti-t vulosi rezultatin përfundimtar.
Sakaq Juventus ka marrë një fitore te vyer në transfertë kundër Lazio-s me shifrat 0-2. Në ‘Olimpico’ të dy golat u realizuan me penallti nga Bonucci. Ky trepikësh për bardhezinjtë kishte edhe vlerë morale, pasi të besuarit e Allegrit janë në pikëpyetje për t’iu bashkuar luftës për titull.
Në La Liga Xavi e ka nisur me fitore aventurën te Barcelona, pasi katalanasit kanë mposhtur minimalisht 1-0 në derbi Espanyol. Golin trepikësh e realizoi Depay në minutën e 48 me penallti.
![](https://shqiptarja.com/template/img/NO_ALFA_Kuadrate shqiptarja.png)
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)