Milan rikthehet në Champions, Inter mund t'i japë sot fund thatësirës! Fiton Real dhe Atletico (VIDEO)

Milan është rikthyer për të paktën përkohësisht në vendin e dytë dhe zonën Champions League, pasi ‘djalli’ ka mposhtur pastër 2-0 Benevento-n për llogari të javës 34 të Seria A. Skuadra e drejtuar nga Pioli zhbllokoi që në minutën e 6 rezultatin falë Calhanoglu që nuk fali brenda zonës pas një aksioni të bukur. Më tej edhe pse iu donin pikët për mbijetesë Benevento nuk arriti t’i bënte keq ‘djallit’, i cili në pjesën e dytë dyfishoi me Hernandez, që vulosi edhe shifrat përfundimtare.

Sakaq më herët Interi mposhti 0-2 Crotone-n, duke marrë një fitore e cila sot mund ta shpallë matematikisht kampion pas 11 vitesh në rast se Atalanta nuk fiton kundër Sassuolo-s. Për zikaltërit në këtë sfidë realizuan Eriksen që erdhi nga stoli, ndërsa në minutat shtesë dyfishoi Hakimi.

Ndërkohë në La Liga lufta për titullin kampion vijon të jetë tepër e nxehtë. Real Madrid është rikthyer te fitoret pasi ka mposhtur 2-0 Osassuna-n. Në Alfredo Di Stefano Stadium fillimisht realizoi Militao, ndërsa katër minuta më pas dyfishoi braziliani tjetër Casemiro.

Tre pikët ka marrë edhe Atletico Madrid që ka mposhtur minimalisht 0-1 Elche-n. Golin e fitores e realizoi Llorente në minutën e 23 të sfidës. Ky rezultat i siguron të paktën edhe për një javë kreun skuadrës së Simeones, që udhëheq me 76 pikë, 2 më shumë se Real Madridi i vendit të dytë.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Sa i përhapur është korrupsioni në Shqipëri?



×

Lajmi i fundit

Macron i përmend Kurtit Asociacionin teksa flet për rrugën e Kosovës në Këshillin e Evropës

Macron i përmend Kurtit Asociacionin teksa flet për rrugën e Kosovës në Këshillin e Evropës