POP 5

Lajmet më të lexuara të 5 minutave të fundit

Sport

Milan vendos të ndahet nga Interi, stadiumin e ri e ndërton vetëm! Tre hipotezat për zonën

Proçedurat burokratike të bashkisë dhe mungesa e sigurisë financiare të Interit ka çuar Milanin të marrë vendimin e ndërtimit vetëm të stadiumit të ri. ‘Gazetta dello Sport’ shkruan se drejtuesit po studiojnë 3 zona të ndryshme dhe shumë shpejt do vijë edhe vendimi përfundimtar.

Kanë kaluar gati 3 vite dhe stadiumi i ri i Milanos ende nuk ka gjetur konsensus. Për këtë arsye sipas ‘Gazetta dello Sport’ Milan ka marrë vendim që të largohet nga Inter dhe të ndërtojë i vetëm stadiumin e ri.

‘Djalli’ mbledh vetëm 40 mln euro nga stadiumi gjatë një sezoni dhe për t’u afruar sadopak me klubet e Premier League-s duhet patjetër ndërtimi i një impianti të ri. Për shkak të procedurave burokratike nga drejtuesit e bashkisë, por mbi të gjitha me problemet ekonomike që ka Interi, fondacioni ‘RedBird’ ka vendosur të investojë i vetëm.

Deri më tani janë 3 opsione se ku mund të ndërtohet. Më i mundshmi në Milanon veriore, në Sesto San Giovanni, një zonë industriale fort e pëlqyer nga presidenti Gery Cardinale, ndërsa më pas vjen bashkia e San Donatos, por të dyja opsionet janë jashtë Milanos. Opsioni i tretë, që ndodhet në qytetin e Milanos është ‘La Maura’, një pronësi prej 75 hektarësh që përdoret për garat e hipizmit, por që në këtë rast duhet gjetur një marrëveshje me pronarin aktual.

Ideja është që brenda 18 muajve të kenë filluar punimet dhe tani dashuria e Milanit për San Siro-n ka përdunduar. Stadiumi i vjetër për shkak të amortizimit prej disa vitesh ka kufizuar pjesmarrjen, duke e çuar në 75 mijë nga 80 mijë ulëse që ka gjithsej.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Sekretari i NATO-s, Marc Rutte: Kërcënimi rus është real! Vendet anëtare të Aleancës të rrisin shpenzimet

Sekretari i NATO-s, Marc Rutte: Kërcënimi rus është real! Vendet anëtare të Aleancës të rrisin shpenzimet

27 Janar, 20:09