POP 5

Lajmet më të lexuara të 5 minutave të fundit

Sport

GOLAT/ Milani dominon dhe mposht Interin 1-2 në derbi, nuk ndodhte prej gjashtë dueleve! ‘Zverdhet’ Asllani, shpëton Fonseca

Milani ia ka dalë të mposhtë Interin 1-2 në ‘Derbin e Madonninës’, i vlefshëm për raundin e pestë në Serie A.

GOLAT/ Milani dominon dhe mposht Interin 1-2 në derbi, nuk ndodhte prej gjashtë dueleve! ‘Zverdhet’ Asllani, shpëton Fonseca

Inter 1-2 Milan

Milani ia ka dalë të mposhtë Interin 1-2 në ‘Derbin e Madonninës’, i vlefshëm për raundin e pestë në Serie A. Kuqezinjtë ia dolën që të marrin tri pikë kundër Interit, fitore e cila mungonte në gjashtë ndeshje radhazi, të cilat i kishin buzëqeshur rivalëve të qytetit.

Në ‘Giuseppe Meazza’ ndeshja nisi më mirë për kuqezinjtë, me Pulisic që rrëmbeu një top nga Mkhitaryan dhe i vetëm e dërgoi topin në rrjetë pas dhjetë minutave lojë.

Interi u zgjua dhe shtyu drejt portës së Maignan, teksa gjeti golin në minutën e 28-të. Pasimi i Lautaros u shfrytëzua mirë nga Dimarco që me një të majtë e ndali topin në rrjetë.

Pjesa e parë u mbyll 1-1, për t’i lënë vendin një fraksioni të dytë me shumë emocione. Te Milani Leao në minutën e 75 dhe Abraham disa sekonda më vonë nuk u treguan të saktë, të ndalur edhe nga Sommer.

Duhej minuta e 89 që produkti i akademisë, 24-vjeçari Gabbia të shënonte me kokë pas një krosimi nga Reijnders dhe të rikthente Milanon kuqezi pas gjashtë humbjeve radhazi. Ndërkohë që Okafor mund të shënonte golin e tretë, por gaboi.

Inter pëson kështu humbjen e parë sezonale, ndërsa Kristjan Asllani luajti për 27 minuta dhe u ndëshkua me karton të verdhë.

Triumfi në derbi duket se ka shuar zërat për largimin e trajnerit Paulo Fonseca te Milani, të paktën për momentin; pasi portugezi shijon dy fitore radhazi në Serie A.

Pas javës së pestë, Inter dhe Milan kanë nga tetë pikë duke ndarë vendet 6 dhe 7.

Po sot, Fiorentina mposhti 2-1 Lazion, Bologna siguroi tri pikët e para këtë sezon duke mposhtur 1-2 Monzën. Po ashtu dhe Roma mori suksesin e parë sezonal duke mposhtur 3-0 në ‘Olimpico’ Udinesen.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    13 Dhjetor, 14:13

    Në grup Anglia, Serbia, Letonia e Andorra, a shkon Shqipëria në Botëror?

Lajme të tjera



×

Lajmi i fundit

E paprecedentë/ Sali Berisha nxjerr 'live' foton e gruas së Altin Dumanit për të shantazhuar kreun e SPAK

E paprecedentë/ Sali Berisha nxjerr 'live' foton e gruas së Altin Dumanit për të shantazhuar kreun e SPAK

13 Dhjetor, 22:56