Milani kalon në çerekfinalet e KUpës, United kryeson e vetme dhe Atletico nis 'arratinë' në La Liga (VIDEO)

TIRANË- Edhe pse me shumë  vështirësi Milani është skuadra e parë e kualifikuar për në çerekfinalet e Kupës së Italisë. Në mbrëmjen kur Ibrahimovic u kthye në fushë për të luajtur një pjesë loje pas 51 ditësh dhe me lojtarët më pak të aktivizuar deri tani kryesuesit e Serisë A nuk shënuan dot në 120 minuta lojë që u mbyllën pa gola. Tek penalltitë Milani u tregua perfekt pasi i shënoi të pesta penalltitë ndërsa heroi ishte portieri Tatarusanu që priti penalltinë e Rincon dhe i dha kualifikimin kuqezinjve ndaj Torinos me rezultatin 5-4 pas penalltive.

Manchester United merr e vetme kryesimin e Premier League. Pas plot 8 vitesh “Djajtë e kuq” janë të vetëm në komandë pasi fituan 1-0 në transfertë ndeshjen e prapambetur ndaj Burnley. Vendosi një gol i bukur i Pogba.

Ndërkaq Atletico Madrid bën prova arratie në kryesimin e La Ligas në Spanjë. Skuadra e Diego Simeones fitoi pastër 2-0 ndaj Sevillas në Madrid ndeshjen e prapambetur të javës së parë dhe ngjitet në kuotën e 41 pikëve katër më shumë se Real i vendit të dytë. Golat janë shënuar nga një për pjesë me autor Correa dhe Saul./Përgatiti Andi Kapxhiu

B.K./b.ha./Shqiptarja.com
  • Sondazhi i ditës:

    LSI prezanton programin elektoral të njëjtë me atë të vitit 2009 kur erdhi në pushtet. Ju krijon besim realizimi i tij?

Komento


×

Lajmi i fundit

John

Programi i PD, Dorian Teliti: Nuk premtojmë ‘mrekullira’, por para qytetarëve me zotime reale! Të gjithë do paguajnë më pak taksa