Pasditen e së enjtes në Monte Carlo u hodh shorti për fazën e grupeve të Champions League, për sezonin 2023-24. Goglat u treguan 'kokëforta', teksa bie në sy se në tetë grupet me nga katër skuadra do kemi përballje të forta.

Në grupin A Bayern Munich dhe Manchester United kanë gjetur njëra-tjetrën, teksa grupi F mund të quhet si ai i “ferrit”, teksa bëjnë pjesë PSG, Dortmund, Milan dhe Neëcastle.

Dy skuadrat e para të secilit grup do të kalojnë në raundin për 1/16-at. Skuadrat e vendeve të treta në secilin grup do të kalojnë̈ në play-off për fazën eliminatore të UEFA Europa League, ku do të përballen me të dytat e grupeve të UEFA Europa League për një vend në raundin e 1/16-ve.

Ndeshjet në grupe:

Dita e parë: 19/20 shtator 2023

Dita e dytë: 3/4 tetor 2023

Dita e tretë: 24/25 tetor 2023

Dita e Katërt: 7/8 Nëntor 2023

Dita e pestë: 28/29 nëntor 2023

Dita e gjashtë: 12/13 dhjetor 2023

Finalja e Champions League të këtij sezoni do të mbahet në stadiumin Wembley të Londrës të shtunën më 1 qershor 2024.

Rendit zhvillimet sipas orarit:
Ora 19:24
Manchester City dominon futbollin evropian! Guardiola trajneri i sezonit, Haaland futbollisti i vitit

Pas hedhjes së shortit të Champions League në Monaco, UEFA ka bërë me dije edhe arritjet sezonale individuale në këtë kompeticion. Pep Guardiola i Manchester Cityt është shpallur trajneri më i mirë për meshkuj, teksa Sarina Vigman trajnerja më e mirë femër.

Erling Haaland është shpallur lojtari më i mirë në Champions League për edicionin e shkuar. Kujtojmë se City është fituesi në fuqi i këtij trofeu.

Pep Guardiola - trajneri i vitit

Sarina Vigman - trajnerja më e mirë e femrave (Anglia), fituese e Europianit

Erling Haaland- lojtari më i mirë i sezonit

M.Q./Shqiptarja.com