KAJRO: Grupi militant  islamik Ansar Bayt al – Maqdis ka paralajmëruar turistët të largohen nga Egjipti dhe ka kërcënuar se do të sulmojë të gjithë ata që do të qëndrojnë në vend pas 20 shkurtit.

Kërcënimi i tyrë eshtë bërë publik në datën 16 shkurt nëpërmjet llogarisë së tyre në Twitter.

"Ne i këshillojmë turistët të largohen sa më shpejt, para skadimit të afatit , " kanë shkruar  ata në rrjetin social.

Ansar Bayt al - Maqdis cilësohet si organizata militante islamike më aktive në Egjipt.

Ajo ka kërcënuar rrëzimin e qeverisë së përkohshme si dhe mbajti përgjegjësinë e vendosjes së bombës që vrau tre turistë nga Koreja e Jugut dhe një egjiptian këtë të dielë.

Grupi me bazë  në Sinai e cilëson këtë akt si pjesë të “luftës ekonomike” kundër autoriteteve egjiptiane, të cilët i konsideruan si tradhëtarë.

Sulmet nga militantët islamikë kanë vrarë qindra policë dhe ushtarë që nga rrëzimi i presidentit islamik Mohamed Mursi në korrik.


Redaksia online
(o.s/shqiptarja.com)