Minat e NATO-s ua marrin jetën dy ushtarëve serbë në kufi me Kosovën

Ministria serbe e Mbrojtjes njoftoi se janë vrarë, të mërkurën, dy ushtarë serbë gjatë shpërthimit të një bombe të vjetër të NATO-s.

Sipas mediave serbe, kanë vdekur nënoficerët Slavisha Markoviq (36) dhe Nebojsha Miliq (37).

Ata ishin duke e pastruar një fushë nga minat që kishin mbetur nga lufta e vitit 1999 në Kosovë, kur ndodhi shpërthimi, shkruan portali i Radios Evropa e Lirë.

Incidenti thuhet se ka ndodhuri në afërsi të një barake ushtarake në Malet e Kopaonikut në kufirin Serbi-Kosovë.

Qindra fusha të minuara ku ende gjenden bomba të pashpërthyera kanë mbetur në Serbi pas fushatës 78 ditore të NATO-s, e cila u dha fund sulmeve të ushtrisë dhe policisë serbe mbi popullatën shqiptare të Kosovës. 

/rg/shqiptarja.com/