POP 5

Lajmet më të lexuara të 5 minutave të fundit

Ekonomi

Minierat, gjigandi kinez merr
nga turqit bakrin shqipta

Përmes një operacioni financiar të zhvilluar në Turqi, pjesa më e madhe e rezervave shqiptare të bakrit kanë kaluar në pronësi të gjigandit botëror të minerave, kompanisë kineze “Jiangxi Koper”. Lajmi është konfirmuar edhe nga burime zyrtare të Ministrisë së Energjetikës.
TIRANE- Përmes një operacioni financiar të zhvilluar në Turqi, pjesa më e madhe e rezervave shqiptare të bakrit kanë kaluar në pronësi të gjigandit botëror të minerave, kompanisë kineze “Jiangxi Koper”. Lajmi është konfirmuar edhe nga burime zyrtare të Ministrisë së Energjetikës. Pak ditë më parë, kompania kineze ka blerë në Turqi 50 për qind të aksioneve të “Nesco Metal”. Kjo e fundit është ndërmarrja që zotëron 100 për qind të aksioneve të shoqërisë minerare turke “Beralb”, e cila ka marrë prej kohësh me koncesion nga qeveria shqiptare vendburimet më të rëndësishme të bakrit në Shqipëri si minierën e Munellës, Lakroshit, Karmës, por edhe Fabrikën e Pasurimit të mineralit në Fushë-Arrëz.

Bakri konsiderohet si metali i dytë më i rëndësishëm në Shqipëri pas kromit, edhe pse vitet e fundit industria e tij është goditur nga rënia e çmimeve në tregjet ndërkombëtare, por edhe problemet e brendshme. Sipas të dhënave zyrtare, katër vitet e fundit eksportet shqiptare të bakrit janë luhatur nga 30 deri në 40 milionë dollarë në vit, pjesa dërrmuese e të cilave - mbi 87 për qind - i përket prodhimit të Munellës.

Kalimi i këtyre rezervave në administrim të kinezëve shton shpresat për një rigjallërim të industrisë së bakrit në Shqipëri. “Jiang Xi”, e cila zotërohet nga qeveria kineze, renditet kompania e dytë në botë për prodhimin e bakrit. Vitin e kaluar kompania u klasifikua nga “Fortune Global” në pozicionin e 414-t mes 500 kompanive më të mëdha në botë për nga vlera e tregut, me një xhiro vjetore prej 28 miliardë dollarësh, ose sa dy herë Prodhimi i Brendshëm Bruto i Shqipërisë.
 
Redaksia Online
(d.a/shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Komisioneri për të Drejtën e Informimit takim me ambasadorin Gonzato, në fokus mbrojtja e të dhënave personale

Komisioneri për të Drejtën e Informimit takim me ambasadorin Gonzato, në fokus mbrojtja e të dhënave personale

16 Janar, 20:14