POP 5

Lajmet më të lexuara të 5 minutave të fundit

Politikë

Tirana mirëpret ministrat e brendshëm të BE e Ballkanit! Çuçi: Ndryshim radikal në sigurinë globale

Tirana mirëpriti sot Ministerialin BE-Ballkani Perëndimor për Punët e Brendshme dhe Drejtësinë.  Në fjalën e tij ministri Çuçi tha se bota gjendet përballë ndryshimit radikal të sigurisë për shkak të agresionit rus, ndërsa në takime mori pjesë edhe komisionerja europiane për Punët e Brendshme, Ylva Johannson.

Teksa në Gjermani mbahej samiti i radhës në kuadër të procesit të Berlinit, Tirana mirëpriti Ministerialin BE-Ballkani Perëndimor për Punët e Brendshme dhe Drejtësinë.

Gjatë punimeve, ku pjesë ishte edhe eurokomisionerja për punët e brendshme Ylva Johannson, ministri Çuçi tha se ky takim vjen në një moment të rëndësishëm për sigurinë botërore.

“Tashmë rendi ndërkombëtar po përballet me disa shkelje të rënda sic është lufta e paprovokuar brutale dhe agresore e Rusisë kundër Ukrainës dhe Shqipëria që nga momenti i parë i këtij konflikti ka qëdruar në krah të së drejtës duke dënuar këtë akt të rëndë. Lufta përvec mizorisë e brutalitetit po sjell dhe pasoja të mëdha në stabilitetin dhe sigurinë e vendeve europiane dhe më gjerë. Prandaj politika e zgjerimit është thelbësore për të arhdmen e vendeve që aspirojnë të jenë pjesë e BE si në rastin e vendeve të Ballkanit Perëndimor”, tha Bledi Çuçi.

Duke u ndalur në çështjen e emigrimit, çështje e cila kohët e fundit ka përplasur verbalisht edhe kryeministrin Rama me Britaninë e Madhe, Çuçi tha se Shqipëria po jep kontribut në menaxhimin e fenomenit të migrimit nga vendet e lindjes në drejtim të vendeve të BE.

“Shqipëria ka dhënë dhe po jep një kontribut të qenësishëm në përballimin e flukseve migratore që vijnë transit në vendin tonë nga Afrika dhe Lindja e Mesme me destinacion final BE. Dua të theksoj se bashkëpunimi ynë me Frontex është histori suksesi ndonëse nuk jemi vend anëtar i BE”, tha tha Bledi Çuçi.

Ministeriali mes vendeve të BE e Ballkanit Perëndimor, riktheu në Tiranë edhe ish ambasadorin e BE në vendin tonë, Luigi Soreca.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

SHBA, një avion me 64 pasagjerë në bord përplaset me një helikopter ushtarak në Uashington, ka viktima

SHBA, një avion me 64 pasagjerë në bord përplaset me një helikopter ushtarak në Uashington, ka viktima

30 Janar, 07:16