POP 5

Lajmet më të lexuara të 5 minutave të fundit

Bota

Ministrat e BE-së thirrje Turqisë për dialog: Të respektojë sovranitetin e shteteve anëtare

Ministrat e Jashtëm të BE kërcënuan Turqinë me Sanksione dhe i bënë thirrje të dialogojë për ti dhënë fund kërkimeve për hidrokarbure në Mesdheun Lindor dhe të përmirësojë situatën me Greqinë. Në takimin online ministrat e Jashtëm të BE-së i bën thirrje Bjellorusisë të dëgjojë zërin e qytetarëve për demokraci.

BE është i gatshëm të bëjë çdo gjë për zgjidhjen e tensioneve në Mesdheun Lindor, të këtij mendimi ishin 27 ministrat e jashtëm të BE,. Ministrat i bënë thirrje Turqisë që të tërhiqej dhe të bëhej pjesë e dialogut, si e vetmja mënyrë për të zgjidhur situatën.

Ata  ripohuan solidaritetin e plotë të BE me Greqinë dhe Qipron dhe  theksuan se përkeqësimi në marrëdhëniet me Turqinë po shkakton pasoja strategjike për të gjithë BE-në. Ministrat theksuan në veçanti që veprimet e Turqisë nuk kontribuojnë në gjetjen e ndonjë zgjidhjeje. Përkundrazi, ato do të çojnë në një antagonizëm dhe mosbesim më të madh.

 Në përfundim të deklaratës së tyre ata theksua rëndësinë që u i kushtojnë marrëdhënieve me Turqinë  dhe nënvizuan se çështjet në lidhje me përcaktimin e kufijve detarë dhe shfrytëzimin e burimeve në të mund të zgjidhen vetëm përmes dialogut dhe negociatave, në përputhje me ligjin ndërkombëtar dhe jo përmes veprimeve të njëanshme dhe mobilizimi i forcave detare.

Një çështje tjetër të cilët ata i kushtuan rëndësi është situata paszgjedhore në Bjellorusi. Ata i bënë thirrje autoriteteve vendore të lirojnë të arrestuarit dhe i dënoi ata për dhunën e ushtruar ndaj tyre. Ata u shprehën të bindur se rezultatet e zgjedhjeve nuk ishin të drejta dhe i bën thirrje presidentit të vendit të dëgjojë zërin e qytetarëve për demokraci, përndryshe do të ketë sanksione. 

Ministrat në përfundim të deklaratës theksuan se nëse nuk do të tërhiqen mbrapsht, do të merren masa të mëtejshme. Takimi i radhës për këtë çështje do të mbahet në 27-28 gusht në Berlin.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Vlorë/ Po trafikonin 3,5 kg kokainë dhe heroinë me vlerë mbi 800 mijë euro, 'Vortex' arreston 2 persona! Kontrolle edhe në Fier (EMRAT)

Vlorë/ Po trafikonin 3,5 kg kokainë dhe heroinë me vlerë mbi 800 mijë euro, 'Vortex' arreston 2 persona! Kontrolle edhe në Fier (EMRAT)

30 Janar, 09:13