Ministrat pa mandat, kush do
hyjë në Kuvend në vend të tyre

TIRANE - Me deklarimin e emrave të rinj në postet ministrore, shumë deputetë do të duhet të lënë mandatin e tyre, duke sjellë në këtë mënyrë emra që rikonfigurojnë parlamentin, në ndryshim nga ai që u zgjodh në 23 qershor. Tirana do të jetë qarku ku do të ketë më shumë ndryshime, duke qenë 4 deputetë të PS dhe 1 nga LSI. 16 do të jenë numri i deputetëve të rinj, prej të cilëve 4 nga LSI dhe 12 nga PS.

Zbatimi i këtij ligji duket se penalizon meshkujt e listës zgjedhore, pasi femrat që do të jenë pjesë e qeverisë, do të duhen të plotësohen po nga kandidatura femra, që mund të jenë dhe nga fundi i listës zgjedhore me të cilën partitë kandiduan në zgjedhjet elektorale të 23 qershorit. Ndryshimet në Kod kanë sanksionuar dhe rastet kur largohet një deputete femër. Sipas nenit 164 të Kodit Zgjedhor, vakanca zëvendësohet me një pjesëtarë të listës të së njëjtës gjini, pavarësisht renditjes në listë.

Por gjithashtu, në nenin 175 pika 2 të Kodit Zgjedhor, parashikohet se: “Kur ndaj një subjekti zgjedhor është konstatuar shkelja, KQZ zbaton si sanksion plotësues zëvendësimin e çdo vakance në listën e subjektit, në zonën ku është konstatuar shkelja, me kandidatët vijues në listë nga gjinia më pak e përfaqësuar deri në plotësimin e kuotës gjinore. Në rast se KQZ vendos aplikimin e këtij sanksioni, përjashtimi i pikës 2 të nenit 164 nuk zbatohet dhe vakanca plotësohet sipas kësaj pike”.

Më konkretisht, vakancat e krijuara nga deputetët e Partisë Socialiste në qarqet Elbasan, Durrës, Dibër, Gjirokastër e Kukës, qarqe për të cilat PS është gjobitur për mosrespektimin e barazisë gjinore, zëvendësohen detyrimisht me kandidate femra. E njëjta gjë ndodh dhe LSI, vakancat e të cilës, të krijuara në qarqet Berat, Durrës, Gjirokastër e Kukës, plotësohen me kandidate femra, pavarësisht renditjes së tyre.

Zbatimi i Kodit nuk penalizon vetëm meshkujt e listës zgjedhore, por do të bëjë që për herë të parë në Kuvend të kemi një deputete 20 vjeçare. Kejdi Mehmetaj, e lindur më 14 gusht të vitit 1994, tashmë është në Kuvend. E vendosur e 7-ta në numrin rendor të listës zgjedhore të LSI, në bazë të Kodit dhe vendimit të Ramës që ministrat të japin dorëheqjen, 20 vjeçarja do të marrë mandatin e Klajda Gjoshajt, të cilës kryeministri i ardhshëm i ka besuar Ministrinë e Integrimit Europian.
 
DEPUTETËT QË IKIN DHE VIJNË
 
QARKU TIRANË

IKIN/PS
Saimir Tahiri
Ditmir Bushati
Lindita Nikolla
Milena Harito
 
VIJNË/PS
Enkelejda Shkreli
Ervin Bushati
Bledar Doracaj
Blerina Gylameti
 
ILIN/LSI
Klajda Gjosha

Vijnë/LS
Kejdi Mehmetaj
 
QARKU BERAT

IKIN/LSI
Nasip Naço

VIJNË/LSI
Selfo Kapllani
 
DIBËR

IKIN/PS
Shkëlqim Cani

VIJNË/PS
Hasan Ceni
 
QARKU GJIROKASTËR

IKIN/PS
Arben Ahmetaj
Erjon Veliaj

VIJNË/PS
Vladimir Kosta
Dashamir Kamberi
 
QARKU FIER

IKIN/PS
Eglantina Gjermeni
Ilirian Celibashi

VIJNË/PS
Anduel Xhindi
Adelina Rista
 
QARKU ELBASAN

IKIN/PS
Damjan Gjiknuri

VIJNË/PS
Luljeta Arapi
 
IKIN/LSI
Edmond Haxhinasto

VIJNË/LSI
Miranda Rira
 
QARKU DURRËS

IKIN/PS
Ilir Beqja PS

VIJNË/PS
Esmeralda Shkjau
 
IKIN/LSI
Lefter Koka LSI

VIJNË/LSI
Bujar Derveni
 
QARKU LEZHË

IKIN/PS
Mimi Kodheli

VIJNË/LSI
Merjeme Delishi

Shkrimi u botua sot në gazetën Shqiptarja.com (print0 01.08.2013
 
Redaskia Online
(b.m/shqiptarja.com)

TAG:
• kqz