Ministri Buja sjell vendimin, studentët ndërpresin protestën

Ndërprehet protesta e studentëve të SKV. Pas vizitës së Ministrit të Arsimit, Ramë Buja, i cili kishte në dorë vendimin që ua lejon studentëve të drejtën për kandidim në zgjedhjet studentore, studentët e Studim Kritik Veprim e ndërpren protestën dy ditore.

Që nga dje, Lëvizja Studentore për Barazi, Studim, Kritikë, Veprim, kishte protestuar para Senatit të Universitetit të Prishtinës, duke bllokuar hyrjen e tij. 
Ata mbrëmë kanë kanë kaluar natën e ftohtë në shkallët e Rektoratit dhe më pas kanë ngritur tenda brenda oborrit te rektoratit.

Mbrëmë pati dhe aktivitete si leximi i eseve, këngë dhe shfaqje filmash që më pas pati dhe diskutim. 

Duke protestuar për të drejta të barabarta studentore, ata kërkonin shfuqizimin e vendimit për moslejimin e dy anëtarëve të kësaj lëvizjeje, Rron Gjinovci dhe Durim Jashari, që të jenë pjesë e listave të kandidatëve për zgjedhjet studentore të 6 qershorit. 

Derisa përfaqësues nga Rektorati kishin deklaruar se vendimin për këtë çështje do ta marrë Ministria e Arsimit, këta të fundit theksuan se vendimi do të jetë i gatshëm sot. 
Në mbështetje të studentëve të SKV kanë dalur KMDLNJ dhe shoqatat studentore nga Tirana, Shkupi dhe Prishtina.

/rg/shqiptarja.com/