POP 5

Lajmet më të lexuara të 5 minutave të fundit

Ekonomi

Ministri Damian Gjiknuri takim
me CEZ, KESH dhe OST

Ministri i sapoemëruar i Energjisë dhe Industrisë Damian Gjiknuri zhvilloi ditën e djeshme një takim me drejtuesit e kompanive “CEZ Shpërndarje”, Koorporatës Elektroenergjetike Shqiptare (KESH) dhe Operatorit të Sistemit të Transmetimit (OST).
Ministri Damian Gjiknuri takim<br />me CEZ, KESH dhe OST
Ministri i sapoemëruar i Energjisë dhe Industrisë Damian Gjiknuri zhvilloi ditën e djeshme një takim me drejtuesit e kompanive “CEZ Shpërndarje”, Koorporatës Elektroenergjetike Shqiptare (KESH) dhe Operatorit të Sistemit të Transmetimit (OST). Qëllimi i takimit ishte informimi mbi situatën më të fundit elektroenergjetike në vend dhe masat e marra për të garantuar furnizimin e pandërprerë me energji elektrike për muajt e ardhshëm.

Ministri Gjiknuri deklaroi, se pavarësisht periudhës së ndryshimit të qeverisë, ritmet e punës në këto institucione nuk duhet të ulen, por të garantohet një angazhim maksimal në kryerjen e detyrave ligjore. Ministri kërkoi sigurimin e furnizimit pa ndërprerje me energji elektrike të konsumatorëve me çdo çmim dhe me çdo kusht.

Gjiknuri kërkoi gjithashtu që t’i kushtohet rëndësi qëndrueshmërisë financiare, duke shmangur shpenzimet e panevojshme në të tri shoqëritë.
Pak ditë më parë, ish-ministri i Industrisë Viktor Doda tha se gjendja energjitike në vend paraqitet tepër serioze. Sipas tij, rezervat ne kaskadën e Drinit mjaftojnë vetëm për dy muaj.

Doda e ka cilësuar si dështim të madh privatizimin e CEZ-it nga qeveria e mëparshme.
Nga ana e tij, Pajtim Bello, ish-zv.ministër i Industrisë, deklaroi se përballja me këtë katastrofë kërkon punë, programim, vendosmëri politike e qytetare, fonde financiare nga buxheti i shtetit dhe shëmbjen e një tradite të keqe të sjelljes ndaj burimeve të energjisë, në tërësi dhe të atyre elektrike, në veçanti.

Janë shumë masa e veprime, që mund dhe duhet te formatizohen në dokumente të rëndësishëm të Parlamentit, të qeverisë, të ministrive, institucioneve apo agjencive shtetërore, të njësive të qeverisjes vendore, të operatorëve të Sistemit Elektroenergjetik Shqiptar, tha ai, në një intervistë për Shqiptarja.com.


Shkrimi u publikua sot (17.09.2013) në gazetën Shqiptarja.com (print)

Redaksia Online
(a.ç/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça